餃掂手工餃子雲吞專門店

今日去左新都城"饺掂"食晚餐，一听个名就知食饺子啦。餐厅格局好得意，餐厅形状似弯月，位唔系太多，但坐得舒服。我都几钟意食饺子，钟意有好多唔同口味，呢度既饺子全部人手包，全部都大大粒。龙凤松茸双汤饺 92今日出粮，食饺子都可以食好啲，就拣左呢款双口味，白松露饺加黑松露饺，黑松露香味浓郁，白松露就清香啲。呢个仲跟个状元九鼎汤，用左粉葛、鲮鱼、赤小豆等等去煲，徤康有益，系无味精架。食完汤饺再食煎饺，煎得好金黄，好脆口。煎莞茜猪肉饺 57钟意莞茜味，够唒香。煎芝士粟米猪肉饺 52满满芝士超邪恶。麻辣松花皮蛋 25流心皮蛋，个调味好正。