東京天井食堂

营业中

休息中

🍱东京天井食堂餐厅名子有种好「写意」嘅感觉，而当我到达餐厅，发现原来系一个非常「写实」嘅名字，因为餐厅真系喺一个天井嘅位置。🍱黯然销鱼饭 厨师推介鳗鱼饭。嫩滑鲜美又啖啖肉嘅鳗鱼配搭香浓嘅鳗鱼汁，再加上煎蛋同葱花。用筷子戳下半熟状态嘅煎蛋，混合浓调嘅鳗鱼汁，搁在热气腾腾嘅米饭上，味觉层次于一口之量尽现。🍱冷前菜&日本蛋冷前菜系中华沙律。爽口嘅日本沙津昆布，解暑低脂，营养丰富，仲有降低血压嘅作用。日本蛋可选糖心蛋、煎蛋同蛋黄汁。我拣咗我最爱嘅糖心蛋。蛋黄仍然流动，我加到鳗鱼饭中一齐食，非常滋味。🍱忌廉可乐饼&绿茶蕨饼忌廉可乐饼系由蟹肉，薯仔同大量嘅忌廉制作而成。啱啱好炸得金黄色，热辣辣。外面松脆，内里忌廉香浓软滑。自家制嘅绿茶蕨饼雪涷食更加软熟，烟银口感，清凉感觉令甜品更适合夏日。🍱今晚餐厅非常忙碌，座无虚席，等外卖嘅人亦唔少。而我一个人嚟到，坐系吧枱前，望住厨师店员忙碌工作，人客熙来攘往。对比著悠然自得嘅我，细心品尝厨师精心制作充满日本风味嘅晚餐，做一个幸福嘅孤独美食家。