天仁茗茶 (已結業)

小弟本身系天仁茗茶嘅die hard fans，基本上行街见到天仁茗茶都会饮一杯。今日行过波鞋街𠮶间天仁茗茶亦都唔例外，但系今日竟然系我对天仁失望嘅初体验，饮咁多次天仁茗茶，佢哋嘅份量水准其实都保持到好好嘅高质水平。今次我嗌返之前我饮开嘅鲜榨水果绿茶，一拎上手见到份量系争一节嘅， 唔计佢打起既泡，成杯嘢只系得三分二杯，但都唔紧要 ，旨在口渴饮下嘢啫。但系一饮落去发现中咗伏，完全冇茶味不特止，佢𠮶啲鲜果只系得橙汁，感觉就好似饮紧一杯绿色嘅橙汁。所以今次呢个完全系我对天仁茗茶好失望嘅一次经历，但系咁样都唔会影响我对佢嘅忠实程度，希望下次唔好再遇到咁嘅情况啦！