影片
更多
2020-09-19
1344 浏览
中环主打健康饮品的Munchies最近系隔几条街开分店，除左继续卖低卡饮品之外，仲新出左几款邪恶食品，拣天使定魔鬼好？我全部都要！🍴CHICKEN SANDO (SHIT THE BED) COMBO HK$98炸鸡汉堡套餐包埋薯格同饮品，系中环区有番咁上下质素ge汉堡之中算几抵。共有六种独特风味，第一次试，觉得炸鸡配辣酱最稳阵，于是拣左SHIT THE BED香辣味，嗜辣之人应该唔会觉得好辣，辣度平均且持久，唔系死辣，相当惹味。面包煎香过，好松软。炸鸡用左鸡髀肉，嫩滑多汁，脆皮极之香脆，唔会太厚成口粉，亦唔会太油腻。面包本身都算大，点知块鸡仲大过块包，食完个包都饱饱地。薯格脆到好似薯片咁，呢度d炸野确系有一手。🍴CHICKEN WINGS (TRUFFLE MAYO) HK$25炸鸡翼同样外脆内嫩，唔想又系辣，所以拣左黑松露蛋黄酱，黑松露味唔会太抢，平衡得唔错。🍴GOOSEBERRY MARIGOLD FIZZY WATER食完肥野要饮d瘦野扮下野，又想饮有汽饮品爽下，于是拣左呢杯只有60卡路里ge金菊龙珠果气泡水，用冷压技术将新鲜金菊龙珠果浓缩成果糖浆，由加州飞黎香港，香港少见。龙
中环主打健康饮品的Munchies最近系隔几条街开分店，除左继续卖低卡饮品之外，仲新出左几款邪恶食品，拣天使定魔鬼好？我全部都要！
🍴CHICKEN SANDO (SHIT THE BED) COMBO HK$98
炸鸡汉堡套餐包埋薯格同饮品，系中环区有番咁上下质素ge汉堡之中算几抵。共有六种独特风味，第一次试，觉得炸鸡配辣酱最稳阵，于是拣左SHIT THE BED香辣味，嗜辣之人应该唔会觉得好辣，辣度平均且持久，唔系死辣，相当惹味。面包煎香过，好松软。炸鸡用左鸡髀肉，嫩滑多汁，脆皮极之香脆，唔会太厚成口粉，亦唔会太油腻。面包本身都算大，点知块鸡仲大过块包，食完个包都饱饱地。薯格脆到好似薯片咁，呢度d炸野确系有一手。
🍴CHICKEN WINGS (TRUFFLE MAYO) HK$25
炸鸡翼同样外脆内嫩，唔想又系辣，所以拣左黑松露蛋黄酱，黑松露味唔会太抢，平衡得唔错。
🍴GOOSEBERRY MARIGOLD FIZZY WATER食完肥野要饮d瘦野扮下野，又想饮有汽饮品爽下，于是拣左呢杯只有60卡路里ge金菊龙珠果气泡水，用冷压技术将新鲜金菊龙珠果浓缩成果糖浆，由加州飞黎香港，香港少见。龙珠果酸酸甜甜，带柑橘味，又有d似芒果，甜味好自然，而气泡水有别于梳打水，成份只系纯水加气泡，无落其他矿物质，唔会太影响果糖浆味道，饮落好清新，又唔似汽水咁黏喉。
📍Munchies
中环结志街39-49号新中环大厦地下G号舖
张贴
