更紗制菓 (希慎廣場)

营业中

休息中

又到左一年一度嘅周年纪念，往年都好少会食蛋糕庆祝，今年俾我发现咗呢间 Sarasei 甜点店，佢嘅蛋糕造型好靓，一于就买个天使蛋糕庆祝一吓。今次就拣咗个《榛果栗子蒙布朗天使蛋糕》，蛋糕面铺满一层层厚厚嘅栗子蓉，加上几粒糖渍栗子，睇见个造型都feel到阵阵栗子味。唔单只咁，蛋糕嘅内层充满焦糖忌廉，而且蛋糕入口口感松软，口味亦唔会过甜，浓浓嘅栗子味一直停留喺口腔，真系不得了。买蛋糕庆祝当然要写返块牌啦，店员会按要求喺块大大块嘅白朱古力牌上帮你写字，啱啱我呢个喺铜锣湾店嘅店员手字仲好靓添😍。除左蛋糕之外，佢地仲有面包、布丁等都相当吸引。