影片
更多
2021-06-25
10 浏览
犹记得以前去大阪想去食串炸，家姐一句话不如正正经经去食天妇罗或者炸猪扒好过就打消左念头，今晚食完先发现串炸系另一个新天地，当年真系走咗宝。天使虾 ($68)第一眼都觉得平平无奇，咬开就见到肉质扎实弹牙，一梳梳既虾肉咀嚼之间食到浓郁嘅虾味。 炸粉完全唔厚得黎炸得好透，连条尾都食埋。 估唔到最矜贵之处系虾头超正，虾膏劲香劲甜，一啖放落口好满足。店员好主动推介六月优惠，只要like 社文平台就可以用一蚊优惠价加一串，做埋会员仲可以成个Menu九折。 食完天使虾之后二话不说用一蚊加咗串，可以拣全场最贵嘅串炸，仲要同正价成品一模一样，抵到烂。日本带子 ($48)卖相超级正，大量沙律酱同三文鱼籽嘅组合冇可能唔好食。 带子本身已经好出色好鲜甜，上边嘅酱汁反而浓味咗少少，所以最后分开食，更加食到带子出众既甜味。日本蚝 ($58)同平时食开嘅炸蚝完全唔同，完全唔腥就基本啦，重点系未食就见住啲蚝汁流出黎，未食过咁Juicy嘅炸蚝，好正。盐烧牛舌 ($98)做到平时牛舌心嘅水准，爽口弹牙有牛味，仲好厚切惹味。荷兰豚肉卷 ($42)豚肉好多汁有肉味，芝士仲爆哂出黎，不过馅料嘅味道唔系好突出，失色咗少少。鹌鹑髀
天使虾 ($68)
第一眼都觉得平平无奇，咬开就见到肉质扎实弹牙，一梳梳既虾肉咀嚼之间食到浓郁嘅虾味。 炸粉完全唔厚得黎炸得好透，连条尾都食埋。 估唔到最矜贵之处系虾头超正，虾膏劲香劲甜，一啖放落口好满足。
店员好主动推介六月优惠，只要like 社文平台就可以用一蚊优惠价加一串，做埋会员仲可以成个Menu九折。 食完天使虾之后二话不说用一蚊加咗串，可以拣全场最贵嘅串炸，仲要同正价成品一模一样，抵到烂。
日本带子 ($48)
卖相超级正，大量沙律酱同三文鱼籽嘅组合冇可能唔好食。 带子本身已经好出色好鲜甜，上边嘅酱汁反而浓味咗少少，所以最后分开食，更加食到带子出众既甜味。
日本蚝 ($58)
同平时食开嘅炸蚝完全唔同，完全唔腥就基本啦，重点系未食就见住啲蚝汁流出黎，未食过咁Juicy嘅炸蚝，好正。
盐烧牛舌 ($98)
做到平时牛舌心嘅水准，爽口弹牙有牛味，仲好厚切惹味。
荷兰豚肉卷 ($42)
豚肉好多汁有肉味，芝士仲爆哂出黎，不过馅料嘅味道唔系好突出，失色咗少少。
鹌鹑髀肉 ($58)
起咗骨啖啖肉，有肉汁得来食到鹌鹑嘅鲜味。
日本鳝鱼 ($48)
同想像中嘅唔同，佢唔系弹牙𠮶种肉质，反而系似炸穴子嘅松散口感。 虽然同预期唔同，但都有鱼味。
冻蕃茄 ($68)
极爽脆鲜甜，媲美出边食到嘅生果级蕃茄。
炸鸡翼 ($58)
入味多汁，炸得几好，鸡翼尖都唔会干。
关东煮 ($118)
食得出无论系用料定调味都系自家制，尤其钟意年糕福袋，腐皮好入味，连汤都想饮埋。
一路食一路对每一味都好满意，点晒头成餐都赞紧有几好食，绝对有试完一次就一定有回头嘅水准。
张贴
