REFLECT Restaurant & Bar

墨西哥菜喺香港遍地开花，百花齐放。难得今晚试到呢间高质素天台餐厅连酒吧嘅型格Mexican 🇲🇽cuisine!第一样劲eye catching 嘅就系呢个黑松露野菌薯团 gnocchi 138! 喺英国食过之后香港实属少见。薯团顾名思义就系用薯仔同面粉搓成一旧面团波波，口感Q弹，好有咬口同饱肚。野菌份量都唔少，黑松露酱汁调得出色😋小食叫咗炸鱿鱼圈 88 同牛肉夹饼 148 。份量充足，味道恰到好处，特别值得赞赏Salsa同牛油果酱调味非常好👍🤤甜品一定要试吓咁特别嘅自家制法式鸟结糖冰糕 98 系一旧巨型嘅雪冻咗嘅鸟结糖，但口感冇鸟结糖咁黐牙同实，有少少入口即溶嘅感觉。中间夹杂着大量嘅提子干、杏脯同杏仁片，几特别，可以一试💓另外我嗌咗杯fuzzy fuzzy cocktail 78 甜甜地好易入口。白酒方面就偏dry，适合唔钟意太甜嘅朋友🥂