16 Shell (已結業)

同朋友去完油街实现感受完艺术之后，系时候医一医个五脏庙。之后去左附近餐厅食，朋友话餐厅系谢霆锋助手表哥开，睇下有冇机会撞到谢霆锋 。餐厅环境宽敞坐得几休舒，墙上挂左好多老板同明星既合照。冰镇鲍鱼 : 厨师亲自去附近街市选既大连鲍鱼，之后用龙虾汤肴3个钟。表面睇俾其他鲍鱼深色，咬落好弹牙龙虾汤带出左鲍鱼鲜味。牛油白酒煮蚬 : 一上台已经有阵白酒香味，每只蚬都有蒜粒系到，味道好鲜甜又带点蒜香同白酒味，同朋友好快手就食晒。黑蒜黑炭包 : 平时见开都系黄&白蒜蓉包，不过今次系全黑色，因为太特别忍唔住要问一问店员。开头听到"木炭包"心谂咩包黎 后来发现系黑炭包(台湾出品)先对，蒜就系用近期最红既黑蒜。因为用黑蒜所以食落是甜的，包身几脆 。香烧牛膝配白酒牛油蘑菇汁 : 我本身喜欢食牛大厨推荐左牛膝俾我，中间牛膝骨好似座火山咁，我第一时间切佢出黎食左D骨髓先，好浓牛味同蒜蓉香口感唔错。牛肉好淋口感有D似牛腩咁。Tiramisu : 一餐咁丰富既晚餐梗系要有甜品画上完美句号。我地选左Tiramisu贪佢外型够靓，Tiramisu两边朱古力粉同咖啡粉，食落好软滑不太甜。