影片
更多
2009-10-04
12 浏览
寻晚喺中环赏月过后, 大家好有兴致食甜品. 本来想落去筲箕湾嘅"老妈"食雪花冰, 但望望表都接近12点, 所以决定落天后稳阵d.落到天后泊好车, 见到呢间"天后甜品"有雪花冰食, 又咁啱有位, ニ话不说坐低, 咁就出事喇.女侍应(紥马尾)非常黑面, 我相信系同下面其他食家见到嘅系同一个人. 我哋点咗其中一个甜品, 佢话要等30分钟, 我哋都吓一跳, 咁问佢有乜甜品唔驶等咁耐, 佢又好似唔愿答咁. 全程无笑容, 好似嚟帮衬就要睇佢面色咁. (天后咁多甜品舖,唔一定要嚟呢间啫!? 或者d"喊面"指数一直增加嘅时候, 佢先会明白?)落完单之后要即刻俾钱, 后来我哋知道佢系惊啲客等得太耐会走, 所以收钱先. (既然知道自己嘅问题系慢, 惊啲客会走, 点解唔改善? 反而先同客人收钱? 咁可以解决问题咩?)黑面女侍应收咗我哋$100, 完全无意识要找钱 (我哋叫咗$93嘅食物), 等咗10分钟佢都唔找, 我哋就开口问佢, 佢"哦"一声入舖攞返$7俾我哋, 一声唔好意思都无. 你唔系以为客人奉子要俾贴士你啩? 如果服务态度好$70贴士我都会俾, but唔系呢间舖啰 等咗20分钟乜都未嚟, 望吓周
落到天后泊好车, 见到呢间"天后甜品"有雪花冰食, 又咁啱有位, ニ话不说坐低, 咁就出事喇.
女侍应(紥马尾)非常黑面, 我相信系同下面其他食家见到嘅系同一个人. 我哋点咗其中一个甜品, 佢话要等30分钟, 我哋都吓一跳, 咁问佢有乜甜品唔驶等咁耐, 佢又好似唔愿答咁. 全程无笑容, 好似嚟帮衬就要睇佢面色咁. (天后咁多甜品舖,唔一定要嚟呢间啫!? 或者d"喊面"指数一直增加嘅时候, 佢先会明白?)
落完单之后要即刻俾钱, 后来我哋知道佢系惊啲客等得太耐会走, 所以收钱先. (既然知道自己嘅问题系慢, 惊啲客会走, 点解唔改善? 反而先同客人收钱? 咁可以解决问题咩?)
黑面女侍应收咗我哋$100, 完全无意识要找钱 (我哋叫咗$93嘅食物), 等咗10分钟佢都唔找, 我哋就开口问佢, 佢"哦"一声入舖攞返$7俾我哋, 一声唔好意思都无. 你唔系以为客人奉子要俾贴士你啩? 如果服务态度好$70贴士我都会俾, but唔系呢间舖啰
等咗20分钟乜都未嚟, 望吓周围有几张枱早过我哋嚟都未有得食, 咁就谂住再等吓啦 之后隔篱枱食完走咗, 嚟咗一班新客, 过咗10分钟班新客叫嘅雪花冰竟然先嚟. 我哋问另外一个男侍应, 佢话我哋张单系下一张做 (当然亦系一句唔好意思都无 ), 再等10分钟都系未嚟, 而到另外一张枱嘅客都有得食嘅时候, 我哋真系火都嚟埋, 即刻问佢攞返钱走. (所以话, 唔好以为先同客收钱系一定work)
其实我哋点嘅其中一个甜品只系一碗啫哩, 点解都要等30分钟!!??
其实寻晚中秋彩灯, 维园多人系预咗, 呢间舖摆多咗10几张枱喺街应付人流, 但系有无考虑过自己舖头嘅装备唔够加埋啲赶客黑面侍应最终会害咗你哋呢?
张贴