瑞士餐廳 (已結業)

天后呢楝新嘅大廈開咗好多唔同餐廳。之前喺呢度嘅food court度食過嘢，今日淨係揀咗2樓呢一間瑞士餐廳試吓。餐廳嘅裝修特別，一入門口就有隻大乳牛擺設，餐廳亦都非常光猛感覺都幾開揚。午餐係包餐湯或者沙律，今日嘅沙律係魷魚沙律，魷魚有沙律醬喺面，咬落嚼口，好爽脆嘅沙律一齊食，口感有層次。另外加$20轉咗牛油果沙律，原來入邊係有帶子嘅，感覺好清新。US Prime Rib Eye Steak (200g)美國特級肉眼扒牛扒嘅熟度啱啱好，入口有牛味又Juicy，盆菜嘅係沙律菜同埋好Creamy嘅薯蓉。Roasted Chicken w/ Gravy特色烤雞配燒汁燒汁惹味，雞皮烤得脆卜卜，肉質又嫩😌連雞胸位都唔鞋👍🏻👍🏻👍🏻配菜係烤薯仔同埋雜菜。食完飽晒。是日甜品係蘋果卷配雪芭先食一啖雪芭，微酸解一解食完肉類嘅油膩感。蘋果卷外邊係烤脆咗嘅蘋果皮，入邊係蘋果蓉，呢個甜品整得唔算太甜，食完都唔會有太滯嘅感覺。(甜品嘅款式每日都唔同）如果想要飲品就要加$-10$35一杯，食完一餐咁豐富嘅午餐之後又要準備開工了。等天氣再涼爽少少就會再嚟試吓佢嘅芝士火鍋。