台灣郎 (已結業)

约左个好朋友食饭，就佢拣左佢番工个边既餐厅。台湾郎既门面几有台湾既风格，令我地谂起我地第一次一齐去旅行，考完公开试就去左台湾放松下～而我既第一次出国旅行就系同左佢去台湾，转眼都数年了，大家都有唔同既出路，佢有佢做野，我有我既读书，怀念以前一齐读书既时光，要好好plan下几时再同佢去旅行~我地叫左几样野食：台南鲁肉饭 $35 鲁肉饭细细碗，起初觉得会唔够饱，但叫埋其他小食：盐酥鸡、花枝丸、花莲小丸子，其实都会饱饱地。 鲁肉饭肥瘦适中，捞住饭食就最好味，不过觉得唔够汁，多番少少就 好。同埋卤蛋份量得1/4只，如果系半只就比较好喇！ 台湾驰名咸酥鸡$78 呢客咸酥鸡索价太高，还要计加一后，感觉不太值～但味道实在不赖，香脆美味～～鸡粒细细粒，食起黎好方便。 秘制小圣子$78 起初我以为系热食，但原来系冻食..圣子份量几多，辣辣地又好开胃～ 花莲小丸子汤$38 小丸子汤味道清甜，萝卜仲要冇渣，赞～～小丸子应该系猪肉丸，入口弹牙呢～ 香炸花枝丸$28 最中意食香口野，如果多D调味会仲好~ 避风塘炒时蔬$78 用避风塘既方式炒菜，把简简单单既菜变得可口了。但系呢碟菜放上枱已经唔够热，分数大减