影片
更多
2017-05-02
132 浏览
我个旅游达人friend之前一连去咗韩国首尔同泰国曼谷旅行，咁佢就好有心咁买咗少少手信比我，咁我为咗多谢佢，就请咗佢食一餐饭，我friend原本系plan哂去美国，但系最后因为签证问题去唔成，所以今次就请佢食番汉堡包补数喇！今次就去咗天后食，餐厅叫Texas Burger，一入到去，餐厅唔算大，但系一睇餐牌，burger嘅种类都几多，有成九款，我呢个食肉兽当然叫个香浓车打牛肉汉堡，又芝士又牛肉，一定几好咁；而我个旅游达人就叫个香脆鳕鱼汉堡，因为佢好中意食鳕鱼！当晩发生嘅其中一件趣事就系我同呀达人都竟然叫同一杯奶昔，就系"Beauty and the Peach"，系一杯由云喱拿雪糕、蜜桃、蜜糖、草莓糖浆、忌廉同车厘子所整嘅特别奶昔，饮落味道都几好，creamy得嚟又唔会好甜，好好味。首先嚟嘅系香脆鳕鱼汉堡，就咁睇已经见到个鳕鱼炸到金黄色，食落好脆，入面鱼肉好嫩，汉堡包入面仲有芝士、生菜同个烤菠萝他他酱，层次分明！而我个个香浓车打牛肉汉堡都好得，除咗用咗一块六安士烟熏牛肉，仲有新鲜蕃茄片、生菜、融咗嘅车打芝士、脆芝士片同秘制酱汁，牛肉非常juicy同肉厚，有阵好香嘅烟熏味，个融咗嘅车打芝
今次就去咗天后食，餐厅叫Texas Burger，一入到去，餐厅唔算大，但系一睇餐牌，burger嘅种类都几多，有成九款，我呢个食肉兽当然叫个香浓车打牛肉汉堡，又芝士又牛肉，一定几好咁；而我个旅游达人就叫个香脆鳕鱼汉堡，因为佢好中意食鳕鱼！
当晩发生嘅其中一件趣事就系我同呀达人都竟然叫同一杯奶昔，就系"Beauty and the Peach"，系一杯由云喱拿雪糕、蜜桃、蜜糖、草莓糖浆、忌廉同车厘子所整嘅特别奶昔，饮落味道都几好，creamy得嚟又唔会好甜，好好味。
首先嚟嘅系香脆鳕鱼汉堡，就咁睇已经见到个鳕鱼炸到金黄色，食落好脆，入面鱼肉好嫩，汉堡包入面仲有芝士、生菜同个烤菠萝他他酱，层次分明！
而我个个香浓车打牛肉汉堡都好得，除咗用咗一块六安士烟熏牛肉，仲有新鲜蕃茄片、生菜、融咗嘅车打芝士、脆芝士片同秘制酱汁，牛肉非常juicy同肉厚，有阵好香嘅烟熏味，个融咗嘅车打芝士、脆芝士片同秘制酱汁好夹，一啖咬落去，食哂牛肉、芝士同酱汁，好满足喔！
我个friend仲惊唔够饱，佢仲叫多个路易斯安那什锦烩饭，有虎虾、法国香肠、鸡肉、洋葱、辣椒、秋葵、香菜同蕃茄咁多材料一齐煮，食落好足料，好大碟，好香香草味，又海鲜又香肠，都几抵食。
估唔到一间食burger嘅餐厅，其他嘢都几好食，大家快啲去发掘下啦！
张贴
