亞谷特蘭州牛肉麵

营业中

休息中

今日放工去左天后揾野食，天后地铁站1出大概行1分钟到就见到阿谷特兰洲牛肉面。餐厅环境方面地方唔算好大，大概住到40人，但算几寛阔，唔会有好迫既感觉。地方几干净。食物方面，主要系新彊菜，食面为主，但都有饭食。前菜方面，都有13款选择，我就叫左个时令蔬菜(菜心) ，同麻辣猪肚。菜心都几大颗。麻辣猪肚系冷盘，份量都唔小，佢个麻辣唔算好辣，唔食得好辣既朋友仔都啱。猪肚好爽口唔会好韧。唔错！主菜方面，叫左红烧牛腩面。牛腩系无骨同好淋唔会好韧，配菜有鸡蛋，白萝卜同香葱。白萝卜亦都好淋。值得一提既系汤底可选择大，中，小辣 or 清汤。而我就择左小辣，好野味小小辣。面底方面，有6款唔同既面选择。而我就择左细面。我觉得有小小似拉面好好食又几弹牙。总括黎讲，餐厅食物唔错，环境几好，赞！