On The Spot Cafe Bar Restaurant (已結業)

有个同事就黎升职，返工个阵倾开天后有咩好味，有个同事提议一齐去On The Spot食，话呢间西餐适合食饭庆祝，于是个日中午就去咗试。我哋三个叫咗三份lunch set，包括有意式玛嘉丽塔意粉，意式经典薄饼同埋煎焗鳕鱼扒。因为我哋都减紧肥，所以无叫饮品。意式玛嘉丽塔意粉: 用咗车厘茄和香浓嘅番茄酱，意粉带有轻微嘅甜味，而上面洒咗一丝丝嘅巴马臣芝士，增添咗一份奶香和丰富嘅口感。意式经典薄饼: 材料包括火腿、雅支竹、橄榄，薄薄嘅饼底配上雅支竹嘅清新风味，唔同嘅材料互相配合，充满惊喜，仲令我谂返起两年前去意大利嘅经历。煎焗鳕鱼扒: 厨师煎到外酥内嫩，入口即溶。再配合独特嘅忌廉酱汁，提升咗鱼肉嘅鲜味。总括黎讲，呢间餐厅令我留下咗深刻的印象，每一道料理都展现了咗其独有嘅风格。呢度绝对值得食完一次又一次，期待著下一次再带埋其他朋友黎。