碗盛 (已結業)

居酒屋嘅三大重点：酒、送酒小食、串烧，碗盛都做得好好食🤩首先紧系叫咗第一个重点先 ─ 酒。个【辣椒梅酒】好得🤤，男女士都啱饮。甜得嚟够梅香，辣味系吞落喉个下渗出嚟，好过瘾而且辣得嚟舒服☺️到第二个重点 ─ 送酒小食。【烧日本味淋鸡泡鱼干】相信鸡泡鱼干系大部分人去居酒屋都必叫嘅小食之一。佢哋嘅烧酱汁系自家制，味道啱啱好，鱼干质地偏淋身，好juicy👍🏼第三个重点亦都系叫得最多嘅 ─ 串烧&烧物。烧物一定推介【自家制西京鳕鱼烧】，鳕鱼本身已经好好食，加埋哩个酱汁简直系升哂级。香到不得了，油份都啱啱好，酱汁甜但冇抢咗个鱼味🤤👍🏼串烧就叫咗【岩盐烧慢煮鸡扒】【自家制酱烧金菇牛肉卷】【日本五花腩】【酱烧秋葵】，全部个酱汁都烧到入哂味，食得好开心。尤其个鸡扒，食到炭烧嘅香味。🤤其实仲叫咗两个前菜，两份主食，同一份甜品。前菜有【自家制胡麻酱菠菜沙津】同【紫苏青瓜渍】。酸酸甜甜味道几醒胃，忍唔住系咁食主食叫咗【自家制玉子烧】同埋【A5日本和牛多士】。玉子烧好香蛋味而且好滑，甜甜哋咁。而和牛多士块牛真系食得出系靓料，油份啱啱好。甜品就有【焦糖卷蛋】，几有惊喜，唔会太甜，蛋糕软熟。今晚全部嘢食都好满意🤤而且