黑木亭居酒屋 (清風街) (已結業)

平時返工咁辛苦，當然要食下好西獎勵自己，呢晚男朋友帶我去試左呢間居酒屋，野食質素唔錯，打卡仲要幾靚，好岩同另一半/朋友一齊去試🫶🏻❀A5宮崎和牛小熊泡泡浴壽喜燒❀A5和牛脂肪分佈均勻，好似雪花咁，食落入口即化，滿口油脂香好正😋而熊仔冰係牛奶冰黎，令湯底甘甜順口，呢個份量比較大，2個人share就岩岩好。❀黑松露大拖羅蓉卷❀大拖羅蓉肥美香滑，配上黑松露醬好惹味，用左花瓣做裝飾，感覺好精緻。❀豚肉年糕及豚肉包雞脾菇❀豚肉年糕食落煙煙韌韌，加左甜辣醬，味道唔錯；雞脾菇吸左豚肉嘅肉汁，食落幾juicy又香口。❀免治雞肉棒❀次次去居酒屋都會點，雞肉棒有少少軟骨，燒到香噴噴，點少少蛋汁就好好食。❀洛神檸冰及蜜桃烏龍熊茶❀洛神檸冰酸酸地咁，飲落幾Fresh；蜜桃烏龍熊茶有隻熊仔冰響面，超級可愛，飲落甜甜地。