黑木亭居酒屋 (清風街) (已結業)

平时返工咁辛苦，当然要食下好西奖励自己，呢晚男朋友带我去试左呢间居酒屋，野食质素唔错，打卡仲要几靓，好岩同另一半/朋友一齐去试🫶🏻❀A5宫崎和牛小熊泡泡浴寿喜烧❀A5和牛脂肪分布均匀，好似雪花咁，食落入口即化，满口油脂香好正😋而熊仔冰系牛奶冰黎，令汤底甘甜顺口，呢个份量比较大，2个人share就岩岩好。❀黑松露大拖罗蓉卷❀大拖罗蓉肥美香滑，配上黑松露酱好惹味，用左花瓣做装饰，感觉好精致。❀豚肉年糕及豚肉包鸡脾菇❀豚肉年糕食落烟烟韧韧，加左甜辣酱，味道唔错；鸡脾菇吸左豚肉嘅肉汁，食落几juicy又香口。❀免治鸡肉棒❀次次去居酒屋都会点，鸡肉棒有少少软骨，烧到香喷喷，点少少蛋汁就好好食。❀洛神柠冰及蜜桃乌龙熊茶❀洛神柠冰酸酸地咁，饮落几Fresh；蜜桃乌龙熊茶有只熊仔冰响面，超级可爱，饮落甜甜地。