影片
更多
2024-03-31
32 浏览
呢间隐世蚝吧位于天后同砲台山交界，喺铜锣湾街市向海皮行第一个街口转左就系，位置旺中带静，一入到去就有热情嘅老板招呼我哋，佢除咗向我哋介绍餐厅嘅招牌菜之外，仲介绍咗我哋识佢哋独特嘅生蚝保存方法，就系用呢一个 set 咗0.2至0.5度嘅恒温生蚝保存柜，用呢个温度嚟保存成个食蚝嘅体验又截然不同。Ackerman chardonnay，带有清新嘅花果香，唔算好 dry，未配食物净饮都已经几好饮。老板介绍咗两只蚝种俾我地，分别系 Irish WSB 同埋法国 Gillardeau，建议我地先食 Irish WSB，嚟自爱尔兰嘅 WSB 口感柔软，带有少少海水同 creamy 嘅奶油味，蚝肉特别肥厚。而法国嘅 Gillardeau 本身已经系生蚝界中嘅劳斯莱斯，蚝肉肥美香甜而且带有淡淡嘅榛果香，蚝味唔会过分爆发，有层次得嚟又细腻。So crispy roll，春卷酿入饱满嘅香菇，春卷皮薄之余仲炸得相当香脆而不带半点多余油分，系一个非常出色嘅春卷。Caesar salad，沙律菜新鲜，同其他餐厅啲 caesar 唔同嘅系佢呢度加咗蟹子，除咗吊到个鲜味之外，脆卜卜嘅蟹子仲增强咗唔少口感，将水波蛋一刀
呢间隐世蚝吧位于天后同砲台山交界，喺铜锣湾街市向海皮行第一个街口转左就系，位置旺中带静，一入到去就有热情嘅老板招呼我哋，佢除咗向我哋介绍餐厅嘅招牌菜之外，仲介绍咗我哋识佢哋独特嘅生蚝保存方法，就系用呢一个 set 咗0.2至0.5度嘅恒温生蚝保存柜，用呢个温度嚟保存成个食蚝嘅体验又截然不同。
Ackerman chardonnay，带有清新嘅花果香，唔算好 dry，未配食物净饮都已经几好饮。
老板介绍咗两只蚝种俾我地，分别系 Irish WSB 同埋法国 Gillardeau，建议我地先食 Irish WSB，嚟自爱尔兰嘅 WSB 口感柔软，带有少少海水同 creamy 嘅奶油味，蚝肉特别肥厚。而法国嘅 Gillardeau 本身已经系生蚝界中嘅劳斯莱斯，蚝肉肥美香甜而且带有淡淡嘅榛果香，蚝味唔会过分爆发，有层次得嚟又细腻。
So crispy roll，春卷酿入饱满嘅香菇，春卷皮薄之余仲炸得相当香脆而不带半点多余油分，系一个非常出色嘅春卷。
Caesar salad，沙律菜新鲜，同其他餐厅啲 caesar 唔同嘅系佢呢度加咗蟹子，除咗吊到个鲜味之外，脆卜卜嘅蟹子仲增强咗唔少口感，将水波蛋一刀切开，睇住蛋浆慢慢流出嚟呢个感觉相当治愈。
Grilled Angus US Filet Tenderloin，牛柳切开系惹人垂涎嘅粉红色，口感极到软嫩，入口散发住令人满意嘅牛味，配菜有粟米、红萝卜、红椒同埋焗蒜头，蒜头焗得极度软腍，钟意蒜味嘅我大爱。
Semifreddo，Semifreddo 系一种类似雪糕，但系唔洗经过雪糕机制作嘅甜点，佢口感蓬松，以少量嘅鲜奶油提供滑顺感，系类似冷冻慕斯同雪糕嘅混合体，十分独特，绝对值得一试。
张贴
