影片
更多
2022-12-30
21 浏览
又黎到呢间天后既铁板烧，食过午市真系好抵食，夜晚虽然比较贵，但款式丰富。呢度嘅师傅都好Nice好好倾，如果有特别日子要庆祝，呢到都系唔错嘅。宴 Special Menu $1280/Pax🌟季节前菜 真鳕鱼白子白子口感软糯绵密，配咗酸酸既啫喱，几特别🌟自家制北海道𩽾𩾌鱼肝将北海道𩽾𩾌鱼肝整成蓉后，再加上松脆嘅多士上，𩽾𩾌鱼肝蓉杰身得黎好幼滑，口感creamy🌟季节刺身 3款 深海池鱼第一件食，鱼肉比较扎实北海道野生狮鱼都系比较肥美既腩位，皮位较有咬口大拖罗系油脂最重蛇腹位，雪花纹最多，好肥美🌟季节寿司3款鲛鲽鱼好食，银鳕鱼bb微微火炙过，有入口即溶口感，池鱼加咗少少姜蓉🌟令和之怪物刺身之后有一件生蚝，唔算特别大只，上面系橘子啫喱同柚子皮，带少少酸味，口感Creamy🌟日本淮山鲜浓鱼汤有豆腐、海带同淮山，好鲜甜铁板烧🌟香草牛油纽西兰海蛪虾用咗香草牛油汁调味，虾肉几爽而且鲜甜，记得要食埋虾头嘅虾膏🌟北海道帆立贝配三文鱼籽帆立贝大粒好爽，加上自家制三文鱼籽，建议可以连埋个香草牛油汁一齐食🌟法国鹅肝配自家制蓝莓酱将两面都香煎过既法国鹅肝，放上烘脆咗既多士上面，配咗自家制蓝莓酱，酸酸甜甜咁，食落
又黎到呢间天后既铁板烧，食过午市真系好抵食，夜晚虽然比较贵，但款式丰富。呢度嘅师傅都好Nice好好倾，如果有特别日子要庆祝，呢到都系唔错嘅。
宴 Special Menu $1280/Pax
🌟季节前菜 真鳕鱼白子
白子口感软糯绵密，配咗酸酸既啫喱，几特别
🌟自家制北海道𩽾𩾌鱼肝
将北海道𩽾𩾌鱼肝整成蓉后，再加上松脆嘅多士上，𩽾𩾌鱼肝蓉杰身得黎好幼滑，口感creamy
🌟季节刺身 3款
深海池鱼第一件食，鱼肉比较扎实
北海道野生狮鱼都系比较肥美既腩位，皮位较有咬口
大拖罗系油脂最重蛇腹位，雪花纹最多，好肥美
🌟季节寿司3款
鲛鲽鱼好食，银鳕鱼bb微微火炙过，有入口即溶口感，池鱼加咗少少姜蓉
🌟令和之怪物
刺身之后有一件生蚝，唔算特别大只，上面系橘子啫喱同柚子皮，带少少酸味，口感Creamy
🌟日本淮山鲜浓鱼汤
有豆腐、海带同淮山，好鲜甜
铁板烧
🌟香草牛油纽西兰海蛪虾
用咗香草牛油汁调味，虾肉几爽而且鲜甜，记得要食埋虾头嘅虾膏
🌟北海道帆立贝配三文鱼籽
帆立贝大粒好爽，加上自家制三文鱼籽，建议可以连埋个香草牛油汁一齐食
🌟法国鹅肝配自家制蓝莓酱
将两面都香煎过既法国鹅肝，放上烘脆咗既多士上面，配咗自家制蓝莓酱，酸酸甜甜咁，食落会冇咁腻，鹅肝仲好嫩，最后食埋个两粒糖煮黑豆
🌟澳洲 M9 牛舌
块牛舌唔算好厚切，但食落够爽
🌟美国特选牛肉
牛肉有厚有薄，两个人食就可以share一半，可以先食厚切，牛肉叫咗5成熟仲好嫩，薄切中间包咗蒜同葱，觉得腻可以食埋蒜片同洋葱沙律
🌟黑松露蟹肉炒饭
炒饭好香黑松露味，有一丝丝蟹肉，炒得好香，份量都好多
🌟炒什菜
铁板最后一道，配咗个日式酱料，有啲芝麻、葱同蒜，可以捞埋食香啲。
🌟宇治抹茶布甸
甜品都系自家制既宇治抹茶布甸，布甸滑溜溜，唔会太甜，抺茶味几浓
📍宴．鐡板烧 (天后)
天后电气道54号亨环天后24楼
张贴
