黑木亭居酒屋 (清風街) (已結業)

天后高质日式居酒屋 — 黑木亭居酒屋 呢间位于天后嘅黑木亭居酒屋，喺尖沙咀同元朗都有分店，店内无论环境布置都好有日本和风气氛🎏好似置身于日本嘅居酒屋一样🇯🇵😍🥗蟹将军薯仔沙律($98)面头铺满咗满满嘅蟹肉，配上大量蟹籽，捞埋好绵密嘅薯仔一齐食，呢个沙律意想不到地好味🐟火灸左口鱼边卷($148)左口鱼油脂感重，而且仲加入咗蟹籽同埋黑松露，饭卷入面仲包左青瓜、玉子同蟹柳，口感相当丰富！🐠铁板活海鳗($268)用铁板烧着条鳗鱼，所以食落去都仲系热辣辣，保持住温度。呢条鳗鱼好厚肉，而且个鱼皮仲好有弹性，入口烟烟韧韧！🥭芒果多多熊冰($48)呢个其实系芒果沙冰，入口食到啲芒果粒粒而且芒果味同乳酸味一啲都唔淡，都几好饮！🥤乳酸蜜桃乌龙熊茶($58)饮落好清新，而且加咗乳酸，味道酸酸甜甜，好开胃！🐮厚切盐葱牛舌袋($188)呢个大癫!!!系日本的味道🇯🇵🥹真系好好食‼️牛舌入口好软腍，而且加咗盐同葱花，估唔到系咁夹，冇得去日本嘅朋友仔都可以喺呢度食到日本嘅风味😍整体来讲，餐牌选择都几多款式，而且都坐得几舒服，食物质素不错，都值得一试！