圍爐 (已結業)

今晚全家人提早同老豆庆祝生日，所以拣咗屋企附近嘅中菜馆---围炉。我觉得个名好特别，餐馆座位不多，有私房菜的感觉，价钱很大众化，整体看出店主很用心经营。此外，无论老板及员工招呼都非常周到，令食客有宾至如归嘅感觉。净系呢点我已经俾佢爆哂分。有兴趣嘅朋友记得要订位，仲有一D特别嘅菜肴系要早两日订架。例如：菜胆龙凤翼呢个考功夫，要拆咗鸡翼D骨，再酿入蔬菜，喜欢清淡嘅朋友，不妨一试！煎酿鲮鱼同样系手工之作，喺屋企好难煮到，师傅好细心将酱汁分开上，使鱼肉更加爽脆。黑椒一口牛做出一贯的水准，黑椒汁令牛柳粒食落更惹味，系好稳阵嘅菜式。海参红烧豆腐材料很足，海参大大件，卖相十分讨好，可见店主毫不吝啬。我十分欣赏呢碟豉汁炒鳝球，分量多不在话下，估唔到炒鳝球都可以咁入味，鱼肉食落仲系脆口，调味嘅酱油又洽到好处，绝无油腻感，值得一试！简单如蒜蓉炒豆苗也看到厨子嘅功力，首先卖相佳，色泽翠绿，有油光但绝不油腻。食味很清爽，完全没有豆苗的苦涩味道，系非常出色的菜肴。总括而言，呢间中菜馆喺天后呢区绝对系稳健之选，值得一试！