影片
更多
2023-03-19
101 浏览
今次既韩式fine dining都十分颠覆我对韩国菜既固有印象😯😯而且九道菜都喺味道同创意上都带比我地好多惊喜🫡价钱黎讲系Omakase/铁板烧价但韩式fine dining 喺香港非常稀有佢地嘅食材同质素都对得住呢个价 想要新鲜感 又想要夜景同仪式感嘅你多个韩式选择喇✌🏻🤓而且店员同我地讲4月会有一个韩牛烧肉主题既新menu 有兴趣既朋友都可以密切留意 Oouli 9-courses tasting menu（$1480)九道菜menu而家做紧special price $1480 要预番两个几三个钟慢慢品尝 环境同成个体验非常尊贵 店员都好有礼貌 服务一流🙃为免大家TLDL 就拣最惊喜个几道菜重点介绍一下 但其实九道菜都好特别🥗Oouli Bu Gak紫苏油炸及三次风干的釜山海苔及济州海藻🍣Jagal -Chi韩国左口鱼 72小时酱油大虾及酱油三文鱼 左口鱼裙边搭配韩式面鼓酱同少少辣既海鲜汁大虾同三文鱼刺身都用咗酱油腌制俾我哋识到同日式刺身好唔同嘅感觉 刺激味蕾之余 韩式调味比泰式𠮶种更能突出鱼生既鲜味 十分欣赏！🍲Deul Kkae - Juk韩国当造特色蔬菜、韩牛、新鲜蚬肉、及
而且九道菜都喺味道同创意上都带比我地好多惊喜🫡
价钱黎讲系Omakase/铁板烧价
但韩式fine dining 喺香港非常稀有
佢地嘅食材同质素都对得住呢个价 想要新鲜感 又想要夜景同仪式感嘅你多个韩式选择喇✌🏻🤓
而且店员同我地讲4月会有一个韩牛烧肉主题既新menu 有兴趣既朋友都可以密切留意
Oouli 9-courses tasting menu（$1480)
九道菜menu而家做紧special price $1480 要预番两个几三个钟慢慢品尝 环境同成个体验非常尊贵 店员都好有礼貌 服务一流🙃
为免大家TLDL 就拣最惊喜个几道菜重点介绍一下 但其实九道菜都好特别
🥗Oouli Bu Gak
紫苏油炸及三次风干的釜山海苔及济州海藻
🍣Jagal -Chi
韩国左口鱼 72小时酱油大虾及酱油三文鱼 左口鱼裙边
搭配韩式面鼓酱同少少辣既海鲜汁
大虾同三文鱼刺身都用咗酱油腌制
俾我哋识到同日式刺身好唔同嘅感觉 刺激味蕾之余 韩式调味比泰式𠮶种更能突出鱼生既鲜味 十分欣赏！
🍲Deul Kkae - Juk
韩国当造特色蔬菜、韩牛、新鲜蚬肉、及自家大米15小时以上烹调传统粥
同我想像既味道好唔同
海鲜同韩牛等既精华煮成既粥 有啲似粥式火锅最后食嘅精华粥 亦有西餐蘑菇浓汤嘅感觉 每啖都食到蚬肉
再加上韩式菜钟意加嘅麻油 每一啖都好满足 配埋用米压而成既脆饼
好想再食多碗！🤤🤤
🍮Han - Ip
章鱼片、韩国橡子果冻 配炸豆腐鳕鱼籽三文治
比起味道 呢道菜嘅卖相令我印象好深刻 个盘配埋花一样嘅橡子果冻同章鱼片 好似一朵花 配上微酸既汤汁 有卖相又有实际 中和上一道海鲜粥既浓味 好有心思😆😆
🍚Bo Yang -Sig
韩式参鸡汤烩饭
上菜后店员再喷上餐厅自己腌制既人参酒 闻落已经有淡淡既人参香味
对我黎讲岩岩好唔会刺鼻
将人参鸡做到好似Rissotto咁嘅质地 好出色同有创新既fusion😭
🦪Jili - Tang
海鲜清汤配烤釜山鲍鱼
将高汤打成泡沫 泡沫中间就系釜山鲍鱼 好似浸紧泡泡浴咁 卖相靓得黎带点贵气 本身清汤既味都好清甜 而上层有薄薄嘅辣椒粉点缀 视觉上都好享受😎😎
🍛主菜 Jan Chi
主菜可以拣韩牛 和牛 黑毛猪五花 或者釜山鳗鱼 我地就拣左韩牛同猪五花 想重点推介下韩牛🐥
🥩烤韩国顶级1++韩牛
实不相瞒之前食啲韩烧任食都有食过声称系韩牛嘅牛 系有啲失望
对韩牛系惊惊地 但平时明明睇runningman 智孝佢地食韩牛食得好滋味😬发现真系一分钱一分货 呢度嘅韩牛烧得外脆脆地内嫩 相都见到个色好治愈 而食落真系有好浓同香嘅韩牛味 肉质一流 对韩牛道个歉🙏🏻
🍖36小时慢煮济州黑毛猪五花
🍚JinSu - Sung Chen
釜山自家农田珍珠米饭配48小时鳗鱼汤加五种时令特色釜山伴菜
愈简单既料理愈需要心机去制作
店员喺厨房推左一个金属蒸气饭煲到我地枱前 揿个掣 饭煲就好似一架蒸气火车咁喷晒啲蒸气出嚟
再将热辣辣香喷喷嘅饭勺到石锅碗内 可能蒸饭既关系 同平时食既日本珍珠米唔同 水分较多食起上黎较黏 但个饭香系即蒸出黎独有嘅😭
配埋五种配菜令我一路食一路谂起长今 唔系讲笑 真系有食紧长今整嘅野食feel(大长今fans是也 出卖年龄)
🥧Hu- Sig
糯米年糕窝夫饼配自制雪糕
好钟意个糯米年糕窝夫饼
原来窝夫配烟靭馅系咁正
配埋雪糕食一流😭😭
最后既甜品都充满心思 好满足🥹
呢排工作都好攰好忙 呢两个几三个钟好似置身另一个空间 望住夜景 听住店员中韩文夹杂嘅介绍 系个好放松嘅体验🥹
张贴
