影片
更多
2024-06-28
1121 浏览
天天海南鸡饭 Tian Tian Hainanese Chicken Rice📍铜锣湾京士顿街9号Fashion Walk地下H2号舖我今年同朋友都暂时未有打算出远门，正正因为咁，我哋都好有兴趣发掘一下香港嘅异国特色料理，感受一下去旅行食好嘢嘅滋味。有一日我同佢提起新加坡美食，先发现完来佢未食过人气爆灯嘅天天海南鸡饭，于是我摷返几年前去新加坡，专诚拜访当地food centre排队食嘅海南鸡饭比佢睇。睇相已经好吸引，再加埋喺旁边加多两钱肉紧，佢最终忍唔住，话要去香港分店食一食，过过口瘾。 💰$109迷迭香火焰黑金叉烧 🥓厨师特意选用西班牙猪腩肉制成叉烧，先将其煎香，再以特制酱汁慢煮9个字，达致外香内嫩。叉烧肥瘦分明，烧香过后嘅油脂唔会太油腻，上菜时店员会即场淋上玫瑰露，然后用火枪烧香叉烧同旁边嘅迷迭香、桂皮等配料，场面非常吸睛，同时有阵阵香气溢出。叉烧肥肉部份入口即化，瘦肉唔会过干过老，酱汁浓郁、香甜味十足，非常好食。 💰$169/中份新加坡天天无骨海南鸡 🐓我个人认为判断海南鸡好食与否，有三大条件考虑。一、鸡皮，鸡皮能够做到皮爽不腻，绝非易事。二、鸡肉，鸡肉去骨后唔会「甩皮甩骨」，卖
📍铜锣湾京士顿街9号Fashion Walk地下H2号舖
我今年同朋友都暂时未有打算出远门，正正因为咁，我哋都好有兴趣发掘一下香港嘅异国特色料理，感受一下去旅行食好嘢嘅滋味。有一日我同佢提起新加坡美食，先发现完来佢未食过人气爆灯嘅天天海南鸡饭，于是我摷返几年前去新加坡，专诚拜访当地food centre排队食嘅海南鸡饭比佢睇。睇相已经好吸引，再加埋喺旁边加多两钱肉紧，佢最终忍唔住，话要去香港分店食一食，过过口瘾。
[价钱 Price]
💰$109
迷迭香火焰黑金叉烧 🥓
厨师特意选用西班牙猪腩肉制成叉烧，先将其煎香，再以特制酱汁慢煮9个字，达致外香内嫩。叉烧肥瘦分明，烧香过后嘅油脂唔会太油腻，上菜时店员会即场淋上玫瑰露，然后用火枪烧香叉烧同旁边嘅迷迭香、桂皮等配料，场面非常吸睛，同时有阵阵香气溢出。叉烧肥肉部份入口即化，瘦肉唔会过干过老，酱汁浓郁、香甜味十足，非常好食。
[价钱 Price]
💰$169/中份
新加坡天天无骨海南鸡 🐓
我个人认为判断海南鸡好食与否，有三大条件考虑。一、鸡皮，鸡皮能够做到皮爽不腻，绝非易事。二、鸡肉，鸡肉去骨后唔会「甩皮甩骨」，卖相能还原去骨前嘅状况为佳；做到肉质紧实而嫩滑，又系一大学问。三、酱料，优质酱料能提升鸡肉嘅鲜美，同时唔会过份抢戏，可以随喜好搭配转换口味，至值得加分。
天天海南鸡嘅鸡皮爽口弹牙，清爽无油腻感；中份鸡摆盘优雅，即使系鸡胸肉仍然相当滑嫩；秘制酱汁令海南鸡味道升华，分别搭配姜蓉、辣汁同黑豉油则能带出地道南洋风味，连伴碟青瓜都清新可口，整道菜无可挑剔，满分滋味绝对值回票价。
[价钱 Price]
💰$23/碗
鸡油饭 🍚
天天话明系鸡饭之王，点可以唔整返碗靓油饭配鸡食呢？呈小麦色嘅鸡饭干湿度适中，入口尽是油香，饭粒饱满唔黏腻，大家一定要试试！可惜我哋个胃比较细，只能单点一碗，否则我会选择原煲上嘅一窝鸡饭，价钱较便宜，同时适合多人享用！
[价钱 Price]
💰$89
肉末豆腐水晶粉 🍲
一碟有十多件豆腐，整齐地摆放喺份量十足嘅水晶粉上。一口一件嫩滑豆腐，伴以葱花肉末同软滑嘅水晶粉，可充当主菜。虽然系一道简单、唔花效嘅菜式，但我哋仍觉得非常满足。
[价钱 Price]
💰$99
红豆椰露芋圆水果饺子冷火锅 🍨
我哋最后点选一份冷火锅作今晚晚餐嘅收尾，因为佢哪造型实在太过特别、太过吸睛，上菜时身旁嘅食客们都睇到目不转睛。金光闪闪嘅炉具同器皿本来已十分抢眼，再加上火锅炉不断有干冰效果飘出白烟，画面仙气满满之余，同真正嘅热火锅亦有几分相似。
锅内接近一半空间本已置有椰露，金壸内同样注满椰露，店员等我打完卡，再将壸内嘅椰露慢慢倒入锅中，之后再加入两碗配料，整套处理手法同一般火锅无太大分别。望住啲烟，见到个锅，我居然有一下忘记咗佢系冻嘅甜品，所以入口时傻傻地吹咗一下，可见佢嘅像真度有几高！
椰露同红豆果然系绝配，每一啖都食到椰露嘅奶香同红豆嘅绵密，味道有少少似喳喳。至于配料方面，有爆爆珠、水果饺子、小芋圆等，口感丰富，味道多变，整体清凉甜蜜，最适合喺夏天食用。
张贴
