影片
更多
2018-08-25
71 浏览
好朋友生日，久违地约出黎食餐饭，就黎左呢度食Omakase。呢度主打天妇罗Omakase，夜晚有三个套餐可供选择。天，泷，极三款均是一人份量，天最适合天妇罗爱好者，而泷同极天妇罗份量少啲，但有刺身同其他主食，我地最后拣左极呢个set。平时对甘笋无乜爱，但呢度既甘笋系冻食，爽口清甜，配搭梅酱都几夹。前菜系四款食物，包括北海道粟米，银杏，螺肉同鸭肉。当中最特别就系北海道粟米，甜到不得了，好想再食多几旧呀！而螺肉都不容小觑，好新鲜，估唔到前菜都咁好食～松茸汤香气逼人，饮落去味道恰到好处，唔会太浓，又唔会淡如水，完全系岩岩好。刺身共有三款，深海池鱼，伊佐目同拖罗。深海池鱼口感软绵绵，伊佐目同拖罗好有鲜味，食材相当高质。天妇罗可以蘸白盐，辣盐，青柠汁同萝卜蓉，食法几特别，各有风味，我最钟意配上大量萝卜蓉咁食，清新解腻，感觉唔会热气。每份天妇罗都系厨师即叫即炸，保证热辣辣。红衫鱼配海胆汁，超香浓，对于我呢个海胆控真系好吸引。香菇同鱼肉都有鲜甜既海胆风味，我好钟意！当日既主食有鳗鱼同牛肉简，我毫不犹豫就简左日本牛肉。听店员讲，牛肉系来自熊本，经烹调后仍保持鲜味，牛味浓郁。食到八分饱既时侯，原来仲有个
好朋友生日，久违地约出黎食餐饭，就黎左呢度食Omakase。呢度主打天妇罗Omakase，夜晚有三个套餐可供选择。天，泷，极三款均是一人份量，天最适合天妇罗爱好者，而泷同极天妇罗份量少啲，但有刺身同其他主食，我地最后拣左极呢个set。
平时对甘笋无乜爱，但呢度既甘笋系冻食，爽口清甜，配搭梅酱都几夹。
前菜系四款食物，包括北海道粟米，银杏，螺肉同鸭肉。当中最特别就系北海道粟米，甜到不得了，好想再食多几旧呀！而螺肉都不容小觑，好新鲜，估唔到前菜都咁好食～
松茸汤香气逼人，饮落去味道恰到好处，唔会太浓，又唔会淡如水，完全系岩岩好。
刺身共有三款，深海池鱼，伊佐目同拖罗。深海池鱼口感软绵绵，伊佐目同拖罗好有鲜味，食材相当高质。
天妇罗可以蘸白盐，辣盐，青柠汁同萝卜蓉，食法几特别，各有风味，我最钟意配上大量萝卜蓉咁食，清新解腻，感觉唔会热气。每份天妇罗都系厨师即叫即炸，保证热辣辣。
红衫鱼配海胆汁，超香浓，对于我呢个海胆控真系好吸引。香菇同鱼肉都有鲜甜既海胆风味，我好钟意！
当日既主食有鳗鱼同牛肉简，我毫不犹豫就简左日本牛肉。听店员讲，牛肉系来自熊本，经烹调后仍保持鲜味，牛味浓郁。
食到八分饱既时侯，原来仲有个面，食落去酸酸甜，好冰凉。
外表睇落去似烤蕃薯，配以白兰地及砂糖，味道好特别，就咁食都好好食。
食到最后仲有水果食，清甜多汁，为今餐画上完美句号。
张贴
