香正苑 (已結業)

同女人行完铜记正烦记食咩好之际，突然被我谂起之前去大坑食饭时发现到有间新既火锅店，天气又冻冻地咁就一于去打边炉~间店既面积唔大，同个位置系近天后多少少，装潢设计都系较简单，坐位就系有少少迫女人拣左麻辣&猪骨鸳鸯锅，锅入面有猪骨同有好多香料，猪骨汤底好鲜甜， 麻辣汤底则够晒辣，味道合乎预期之上食得边炉，我就一定要叫牛肉食，这火锅店的安格斯肥牛都唔错，烫熟后都食得出牛肉本身的鲜香，肥瘦比例都算平均，都几好食！而这碟青笋条就系最特别好食！爆爽甜爆嫩，仲好滑同软，唔系随便揾间火锅店就食到，好彩我叫左黎食啫，坚坚坚"正"！！另一吸汤神物冻豆腐都系我既最爱！豆香浓郁，又可以吸晒汤底，每食一口都觉得系享受！小店食材新鲜，服务好，味道带点港式左的川味，较合港人口味，好食的同时价格都唔算贵，可以再帮衬