聰嫂私房甜品 (已結業)

同朋友食完放题庆生，我地个胃竟然仲有位置放糖水，由将军澳行左过坑口食聪嫂😂。不过衣间聪嫂都几细间，得好少位，又有啲迫，又多人等位，啲待应忙到都唔得闲理我地，态度又唔系好㖞。仲要今晚落雨啰，门口都无瓦遮头，要我地开住遮等位。入到去睇餐牌，好似衣间啲款式少过其他分店咁。最后我地有个热血青年唔怕冻，叫左芒果椰果冰。见佢个卖相又ok 㖞，好似好吸引，面头有深橙色既芒果粒好似好甜咁，又有大西米，下面系芒果沙冰😋。我就觉得好天寒地冻喇，叫左个姜汁汤丸暖下身，但啲姜汤都几辣，食到标晒汗。但啲汤丸个皮都几香糯米味，里面啲芝麻都好香同滑，汤丸唔错。仲有人叫左杏仁露加汤丸，闻到好香杏仁味👍🏻。