永合成餐廳餅店 (已搬遷) 新店位置

天寒地冻的推介-煲仔饭一于趁天气开始有点冻试下煲仔饭先, 目标锁定上环o既永合成茶餐厅. 三个人叫左两个煲仔饭跟住埋个好似几出名o既酱爆鸡翼!送左一碗是日靓汤: 银杏猪展煲薏米, 冇味精, 又几多料o番!小石头最爱美食之一: 田鸡煲仔饭! 田鸡好鲜味, 肉地好嫩! 不过有少少遗憾系冇饭焦!另外石太同埋掌门人就叫左个煎蛋牛肉煲仔饭! 本来想叫窝蛋, 不过呢期生鸡蛋就......都系改叫煎蛋! 话时话, 同平时o既牛肉饼煲仔饭唔同, 呢度D系一粒粒牛肉, 所以同饭可以沟得好平均. 加埋又滑又重牛肉味, 唔怪得呢度每台都有一煲打底啦! 个酱爆鸡翼, 就冇乜特别, 系个酱用左酱爆牛肉个酱再加小小辣. 掌门人同石太好细食, 其他都系小石头包底, 真系超饱!环境就一般, 不过煲仔饭就要大都要再食!P.S. 奶茶劲甜, 要走糖先掂!