麵屋丸京

营业中

休息中

呢排天寒地冻，食碗热辣辣既拉面系非常好既选择，但懒人既我又唔想去太远，面屋丸京既牛头角分店对我嚟讲系非常就脚, 而佢既本店则位于葵芳，对我嚟讲就有少少远了。而呢间分店开系宜安街呢个美食集中地，门口既装修同隔离既铺头非常唔同，一眼就会望得到。丸京既汤底主打猪骨酱油汤，系无油脂既酱油清汤，一入口就系清、甜，两个字可以概括晒。感觉就好似JR 车站附近既拉面小店，味道简单，但入口舒服。除咗清汤，汤底亦可以选择浓厚版本，即系清汤加上背脂做成既浓汤，十分肥美，同清汤完全相反，creamy、浓郁，冬天饮啱晒。另外叉烧非常薄身，朋友嗌呢个系多叉烧版本，一上台，我哋都忍唔住偷偷打劫佢啲叉烧，滑身，薄，肉味够，但唔鞋口，如果叉烧面有少少火炙味，就会系100分了，不过依家都唔错。