麵屋丸京

营业中

休息中

已经食过呢间面屋丸京几次，有一排无食。天气好冻呀，成个星期都好似低过10度甘，已经成两点几，先食个好晏o既 Lunch，好彩唔驶排队 。因为呢间拉面，食饭时间通常都 keep 住有人排队，本身谂住两点几应该唔驶排，去到的确唔驶排，但食完果阵，又见到有人排队。不过，食拉面都好快，等都系等一阵。又冻又饿，张枱得冻水，问下有无得拎杯暖水，有wor(感动)。点左个清汤半熟卵拉面，有溏心蛋、日式叉烧，$73，好食o既拉面o黎讲，算几抵! 溏心蛋好味，虽然冻冻地，但浸落d汤到岩岩好。日式叉烧好似话低温煮熟，比一般日式叉烧偏向粉红色，好嫩 (餐厅有好多牌仔写住烹调方法乎合食环处标准)，件日式叉烧的确几好味，钟意呢件日式叉烧既话，可以选择极上或叉烧拉面，有好多旧。至于汤底，有清汤、有浓汤，第一次食o既时候，选择左浓汤，觉得太油腻，之后食都选择清汤，觉得刚刚好。拉面就偏硬 ，无得选择软硬度既。如果钟意食辣，可以落埋枱上o既辣酱，唔错，还有蒜蓉。