漁樂 (置富第一城)

营业中

休息中

琴晚开始天气转冷，今日跌到得番几度仲要阴阴天落雨毛毛，天寒地冻最啱就系食啲热辣辣嘅嘢。门口餐牌见到有石窝汤河，正！坐低一阵冇人俾餐牌，我问个阿姐，佢话你想自己落定我帮你？自己落冇所谓，不过冇QR Code俾我扫，最后佢哋俾咗张纸我自己扫码落单，点知个系统真系纯落单，「走葱」「小甜」呢啲全部都唔得。我问个阿姐，佢话系唔得㗎😓，最后都系佢帮我落咗肥牛石窝汤河走葱同西洋菜蜜小甜。个窝上到嚟，见到啲汤滚热辣，呢个阿姐好细心，问我要唔要碗仔，放在入碗仔都仲好热。够哂热、又好味，超正！不过剩系得两块肥牛同一啲肥牛肉碎。😅 杯西洋菜蜜好淡，下次唔使叫少甜喇！😂今餐本来都唔错，不过我坐个位对住厨房出菜位，经常有餐厅员工聚集倾计，其中一个阿姐把声大都震天，我戴住耳机都仍然清楚听到，😓想慢慢食亨受个午餐都唔得，最后，快快脆脆会完走人。