餃子縣餃子專門店 (已結業)

是晚天寒地冻，出开旺角去左间从未试过既饺子县食饺子，其实完全系想试佢地既芝士饺子！本身想食暖粒粒既汤饺，后黎全点左煎饺子！店子采划纸形式落单，但系将落单纸会令人好混乱，如果想拣汤饺加煎饺都唔知点划好，都见唔少人问问店员们先识划（包括我地），原来落单用唔同符号黎代表晒一款饺子煎定汤，真系你唔讲我都唔识填。醉鸡翼 $25同行者都话鸡翼都酒味都颇重，呢款小食算不错了。5只皇牌芝味四重奏-三重芝士 及黑松露 各$37 （煎+$4）两款芝士煎饺我都几钟意食，热辣辣既煎饺兽落爆料，三重芝士个只食落都几重芝士味；黑松露个只既松露味岩岩好，唔会觉得松露味太重手而有腻既感觉，整体都算香口惹味。椰菜木耳猪肉饺 （5只）及香菇粟米猪肉饺 （5只）各$33 （煎+$4）另外叫左两款菜饺，味道比前两款较清淡健康，味道都可以。冻柠茶 $12 及冻奶茶 $13樽装冻奶茶味道唔会过甜，茶味略重少少，不过茶底有少少涩。