影片
更多
2015-12-17
3166 浏览
阿妈今晚睇大戏，唔煮饭，我宅女惟有出街食。上网睇下屋企附近有咩好野食，留意到呢间「火星料理」似乎唔错，天寒地冻，就去叹个韩式火锅。餐厅位于一幢工厦既五楼，一出lift门，已经闻到好香既味道，食欲指数大增。行入餐厅，有室外同室内座位，今晚翻风，我无勇气坐室外，都系坐入面稳阵。第一次黎，问下事头婆有乜介绍，佢话呢度比较多人叫火锅，食得辣既可以叫部队火锅 (可以叫小辣)，完全唔食辣既可以叫人参鸡锅。其实我向来唔食得辣，但同时又系一位会叫辣既勇者，再加上天气冻冻地，于是叫左个小辣「辣泡菜年糕部队锅」($230)，另外再加「韩式紫菜包饭」($35)同「芝士海鲜煎饼」($120)。前菜同饮品先黎。响四碟前菜入面，我特别钟意右边既薯仔同黑豆，甜甜地，粉粉地，系我喜欢既口感。至于饮品，我拣左米水($12)，曾经响首尔既汗蒸幕饮过呢种特色饮品，虽然今次只系罐装，但一样唤醒我去旅行时既快乐。米水系甜甜地既，底下有饭粒，几好饮，同时可以解辣。饭卷黎勒，都几足料，有鸡蛋、腌萝卜、红萝卜、青瓜、香肠、牛蒡等等，咬落去好爽口，注意番，韩式饭卷系无加醋既，唔同日式寿司，但我都几钟意呢种淡淡既味道，感觉比较清新自然，
餐厅位于一幢工厦既五楼，一出lift门，已经闻到好香既味道，食欲指数大增。行入餐厅，有室外同室内座位，今晚翻风，我无勇气坐室外，都系坐入面稳阵。第一次黎，问下事头婆有乜介绍，佢话呢度比较多人叫火锅，食得辣既可以叫部队火锅 (可以叫小辣)，完全唔食辣既可以叫人参鸡锅。其实我向来唔食得辣，但同时又系一位会叫辣既勇者，再加上天气冻冻地，于是叫左个小辣「辣泡菜年糕部队锅」($230)，另外再加「韩式紫菜包饭」($35)同「芝士海鲜煎饼」($120)。
前菜同饮品先黎。响四碟前菜入面，我特别钟意右边既薯仔同黑豆，甜甜地，粉粉地，系我喜欢既口感。至于饮品，我拣左米水($12)，曾经响首尔既汗蒸幕饮过呢种特色饮品，虽然今次只系罐装，但一样唤醒我去旅行时既快乐。米水系甜甜地既，底下有饭粒，几好饮，同时可以解辣。
饭卷黎勒，都几足料，有鸡蛋、腌萝卜、红萝卜、青瓜、香肠、牛蒡等等，咬落去好爽口，注意番，韩式饭卷系无加醋既，唔同日式寿司，但我都几钟意呢种淡淡既味道，感觉比较清新自然，同埋我几欣赏呢旧饭卷既鸡蛋系煎过既，有些微焦香，唔错。
部队火锅上枱时，心入面即刻讲左句：金翅大镬了，因为原来分量都几大，好惊食唔晒，除左个锅之外，仲有得拣公仔面、粉丝定饭 (我地本来拣公仔面，但后来都系觉得食唔晒，原碟俾番餐厅，以免浪费)。我谂大家都知道部队火锅既来源，系因为战后物质贫乏，韩国人于是用美军留低既罐头制成火锅，有肉有菜咁，好受欢迎。而火星料理既部队火锅，食物就丰富得多啦，材料除左一般既午餐肉、泡菜、蔬菜、香肠(注意，系鸡尾肠)之外，仲加左龙虾丸、韩式年糕、脆肉瓜、鸡脾菇等等，而且每样既分量都好多，实在好丰富呀！
最后黎埋个芝士煎饼，分量一样好大，而且劲足料，咬落去啖啖都系海鲜，虾同八爪鱼都好新鲜，八爪鱼完全唔靭。个饼煎到微焦，劲香口；底部系煎脆左既芝士，正呀！张贴
