龍城金記海鮮火鍋

营业中

休息中

这天忽然气温下跌好鬼想打边炉啰，仲要早收工即刻约脚啦，老友都住东九龙约在最多火锅店拣的地方九龙城聚头，老友话龙城金记啲嘢好新鲜㖞一于去𠮶道啦，先点个滋补虫草花鸡和胡椒猪软骨汤底，两个汤都好够味尤其虫草花鸡系卖飞佛呀。整个生牛肉刺身叹吓先，附上洋葱及店方特制汁酱一齐，肉地好淋身又滑溜，不过牛味就不够特出。另外叫咗花竹虾和南非鲍鱼刺身，这盘有三只大虾和两只鲍鱼巳够我哋5人共食。花竹虾刺身入口好爽又弹牙，新鲜好味道，鲍鱼刺身就较烟韧要出多啲牙力才可好好欣赏。混一个酱预备开餐。鸡子系新鲜货绝不是雪藏货可比，嫩滑香浓的鸡子食落似豆腐咁正，呢晚我哋食咗两碟呀。脆鲩腩质地好札实，鱼味香浓油份充足好好味。仲有超推介的猪红，好耐冇食过咁正嘅猪红，咬落滑身味道香夹浓，后悔叫得一碟因为再叫已经卖晒。手切肥牛肉味好唔错，轻轻一灼入口软淋男人恩物。