影片
更多
2021-12-23
391 浏览
以前唔钟意食汉堡包，但近年口味变咗，所以有好多餐厅重新列入想食嘅名单，当中包括位于朗豪坊嘅天幕下的汉堡包「Texas Burger」。用天幕下呢个Term，好似彷佛透露咗年龄🤣。呢度座位数量唔多，所以晚市时份避免唔到要等位。餐厅顾名思义系食汉堡包，款式选择都唔少。同时，佢亦提供多款墨西哥美食🇲🇽，咁样就唔使一人吔一个包咁单调。德州烧烤牛肉汉堡Texas BBQ Beef Burger($88)，🍔汉堡包大小适中，𩠌料包括汉堡扒、烟肉、炸洋葱圈、芝士同生菜等。面包涂上牛油烘，味道几香，而汉堡扒牛味都OK，肉质唔松散。主食可升级做套餐，加$66有奶昔、薯条同酸青瓜。🍟薯条简单用味粉调味，外脆内软，唔错。我个人几钟意食酸青瓜，贪佢够开胃，而且分开上都好，始终未必个个啱食🥒。烧烤手撕豚肉墨西哥卷饼Pulled Pork Tex-Mex Burrito🌯($82)，卷饼完整一条送上，面头有唔少香口酱料，包括荳蓉、牛油果酱同酸忌廉等，食落唔干。卷物馅料几多，有手撕猪肉🐷、生菜同墨西哥辣椒等🌶，咬中咗后者会辣亲，哈哈。饮品方面，我哋要咗杂莓奶昔Berry Love🍓🥛(原价$50)，奶昔嘅粉红色造型
以前唔钟意食汉堡包，但近年口味变咗，所以有好多餐厅重新列入想食嘅名单，当中包括位于朗豪坊嘅天幕下的汉堡包「Texas Burger」。用天幕下呢个Term，好似彷佛透露咗年龄🤣。呢度座位数量唔多，所以晚市时份避免唔到要等位。
餐厅顾名思义系食汉堡包，款式选择都唔少。同时，佢亦提供多款墨西哥美食🇲🇽，咁样就唔使一人吔一个包咁单调。
德州烧烤牛肉汉堡Texas BBQ Beef Burger($88)，🍔汉堡包大小适中，𩠌料包括汉堡扒、烟肉、炸洋葱圈、芝士同生菜等。面包涂上牛油烘，味道几香，而汉堡扒牛味都OK，肉质唔松散。主食可升级做套餐，加$66有奶昔、薯条同酸青瓜。🍟薯条简单用味粉调味，外脆内软，唔错。我个人几钟意食酸青瓜，贪佢够开胃，而且分开上都好，始终未必个个啱食🥒。
烧烤手撕豚肉墨西哥卷饼Pulled Pork Tex-Mex Burrito🌯($82)，卷饼完整一条送上，面头有唔少香口酱料，包括荳蓉、牛油果酱同酸忌廉等，食落唔干。卷物馅料几多，有手撕猪肉🐷、生菜同墨西哥辣椒等🌶，咬中咗后者会辣亲，哈哈。
饮品方面，我哋要咗杂莓奶昔Berry Love🍓🥛(原价$50)，奶昔嘅粉红色造型好靓靓，仲放咗个圣诞熊仔好可爱，少女味满泻💕。虽然饮品称系杂莓味，但我认为主要系得士多啤梨成份。
总括嚟讲，今日终于一尝经过多次嘅德州汉堡，以大商场餐厅而言，佢价钱其实唔算贵嘅🙂，加上又可以用消费券同商场优惠，难怪有唔当少人帮衬。
张贴
