泰廚泰國菜館

营业中

休息中

本身今日谂住行下旺角宠物街，一落天桥就闻到好香嘅串烧味，搞到我鬼咁肚饿，望一望餐牌发现旺角黎讲呢间餐厅嘅食物都唔算贵，就决定食饱饱先去睇狗仔。平时行过真系好易会MISS 左呢间泰菜串烧有猪牛鸡简，不过牛嘅价钱就贵少少，而我地就叫左猪同鸡再加猪颈肉。呢度嘅串烧用香茅腌得好入味，再加上秘制嘅酱汁，正。虾饼口感弹牙。香茅鸡扒份量好大，而且香茅好多，岩晒钟意食香茅嘅我。泰式炒粉丝够镬气，而且加埋肉碎一齐炒零舍入味。椰青都几大个，今日咁热最岩就系饮清凉消暑嘅野。