天機棧扒房 (已搬遷) 新店位置

为庆祝拍拖纪念日，我就带左女友去「据下排」、食好D当庆祝，揾到天机栈呢间系琼华中心既餐厅。论环境，佢地将灯光调暗左，令到成个铺都好有情调，好有浪漫气氛，加埋几每张枱都有点左一个蜡烛，好啱情侣食饭。我地叫左个二人套餐，入面包括餐汤、沙律、以扒为主既主菜、同甜品。个餐汤系蘑菇忌廉汤，如用黎点蒜香包几好，饮落都系蘑菇味好重。之后黎个烟三文鱼凯撒沙律，食落同普通自己系屋企整既无咩分别。主菜，我地两个两个主菜一齐分黎食，有鹅肝、肉扒、薯蓉等。鹅肝配多士食，虽然鹅肝有少少腻，但加埋块多士，可以中和到鹅肝既味。肉扒要七成熟，食落都有少少韧，不过点埋个酱汁，又变得易入口少少，好食少少。薯蓉就无咩特别，不过不乏。甜品我地叫左芒果拿破仑同朱古力心太软。芒果拿破仑就味道一般，女友食左一两啖就唔食，而个朱古力心太软内层有少少流沁，特别既系有一粒金沙系入面，呢个好特别，更好甜到溜。总而言之，今餐质素平平。