Cafe Charm's (已結業)

整体不错，但自己见到呢间系open rice 咁多好评，抱太大期望。店面算大，可以容纳好多枱，一入去位置尚算寛敞，但再入长廊的枱明显太密，望落比较太暗，似上楼cafe多d, 本身钟意光线充足，所以唔太like因为只有all day breakfast包咖啡，婆仔如我就紧系叫All day brwakfast入面的Egg Benedict, 本人去亲cafe店，如果有，就一定系点呢个。黎到个蛋尺寸有d细，但味道唔错，唔酸，而且个包烤的几好，唔会干澄澄，薯条都好食。虽然我点smoked salmon佢俾bacon我，但好彩我都ok bacon. 咖啡叫左杯Flat White,味道正常。老公点左和牛汉堡加1664 Blanc，系等得耐左d,味道ok.当日系红日假期，但负责传菜招呼客人的只有一位哥哥,仲见到位厨房拎野出黎的人叫佢快d转菜俾客。另有一位女员工唔知系咪早左到但冇员工休息室俾佢hea。佢就咁hea左系我隔离枱听歌玩电话，期间仲有d唔识做的客人叫佢去埋单，我见佢走去埋数机笃番张单出黎时面色唔系咁好睇....一路睇到尾的我感觉好怪异。总括而言呢间食物唔错，但环境同服务麻麻，应该唔会番去