噢吧煲煲掂

营业中

休息中

天气一冻就好想食啲热辣辣嘅嘢，煲仔饭就最适合不过喇！今晚嚟到呢间位于太子嘅噢吧煲煲掂，招牌用上橙色好抢眼，骤眼睇餐厅都唔算装修得好靓，但平日夜晚都坐满晒人，食物水准应该有返咁上下~~所以一于入去试试佢！每个煲仔饭都会送一个例汤，今晚呢个系冬瓜猪骨汤，都几足料！我叫咗个虾酱腩肉煲仔饭，啲虾酱味好浓，食落超级惹味！ 呢个饭只系 $58 ，劲抵食！捞咗之后嘅饭粒粒分明，够Q弹！朋友叫咗个豉汁白鳝煲仔饭，白鳝数量都够食，有成六七件食煲仔饭最紧要有饭焦🤣🤣 够晒脆总括嚟讲，呢间餐厅虽然有少少其貌不扬，但食物水准同价钱性价比真系算高，可以一试！