松記糖水店 (已結業)

糖水真系香港人唔可以缺少嘅一部分吖！特别系热天，热辣辣嘅天，如果可以系室内吹著凉爽嘅空调，叹一碗甜甜嘅糖水，真系比神仙我都唔做吖！松记系我比较钟意嘅糖水铺之一，同聪嫂一样，价廉物美，值得一来！雪糕杨枝金露，我最最钟意嘅雪糕，＋买香甜嘅芒果，弹牙嘅小丸子，香浓到不得了吖，柚子粒又脆脆地，爽吖！！糖不甩比较少食，因为我对d糯米消化唔系几好，不过我几钟意糖不甩嘅，虽然好甜又好快腻，不过糯米团霖滑又有嚼头，成只都卑姜糖水煮入味，再去碌碌香喷喷嘅花生粉，好食到流口水吖，我依家发觉我手上嘅粟米好冇味吖，好像食糖不甩！幻彩明珠，麻麻地，各种水果嘅大团圆，酸酸甜甜，水果够新鲜，透明嘅小丸子够弹牙，不过就系觉得唔够甜。