何時 • 河地 (已結業)

天气凉两地最啱就系去户外Cafe食嘢，上网见到人哋话呢一间Cafe个view几好，所以就谂住去试吓，12点去到嘅时候冇乜人就可以拣咗户外嘅靓位影相，虽然天气有少少凉但系一出太阳嘅时候都会有啲热，同埋预左户外都会有啲蚊虫，叫咗一个all day breakfast，一个咖喱杂锦同埋一个椰汁红豆冰，全部都系店家推介，全日早餐炒蛋有黑松露，牛角酥，车厘茄，茄汁焗豆，沙律菜算几多，加埋芝麻酱几好食，咖喱杂锦有啲辣，建议唔食得辣嘅朋友就唔好叫，椰汁红豆冰椰汁味好重，几好饮，现场都有好多人踩单车经过都会停低影相，眼见下午两点之后人流开始多，想食嘅话记得早啲嚟