越滿 (已結業)

天时暑热30几度，系旺角行街行到热辣辣，真系无咩胃口。见到有间几新净的越南餐厅，就试下入去食下消暑餐，食完觉得都几抵食同有质素!同个friend得2个人，叫左啲小食、炒饭同生牛肉河。小食叫左软壳蟹米纸卷，每件都好足料，个米纸皮软身烟靭，软壳蟹就炸到脆卜卜，加上爽脆青瓜丝，沾埋个越式酸甜鱼露汁，口感好丰富，真系几开胃~炒饭系菠萝猪颈肉炒饭，一人份量刚刚好，甜甜的菠萝劲解暑！炒饭有提子干同少少咖哩调味。猪颈肉烧得几好，唔会硬邦邦或者过于干挣挣，瘦肉比较多，适合唔食肥肉的人❤$52几抵食。生牛肉汤河的配菜(芽菜，青柠，九层塔)都系分上，想要咩味可以自己调较，食得出芽菜劲新鲜，超爽脆~生牛肉味道浓郁，份量都几多。河粉分量都多，个有少少黏埋一团，等一阵都系可以分开面条的。消暑梗系要黎返杯青柠核打，梳打罐装上好够气，加上清新青柠劲解渴，透心凉😆总括嚟讲，食物质素不俗，环境都几好坐，价钱都好合理。