古今二 (觀塘工業中心)

营业中

休息中

今日系HAPPY FRIDAY，紧系要约埋同事LUNCH出去食HAPPY下啦。古今二之前都听过唔少介绍，但因为离公司有点距离一直都无机会试。今日我地决定对脚行快啲走去食。一去到发现都几多人，天气热餐厅新出左个荞麦面套餐，因为我地想试下其他野，所以叫左一个荞麦面套餐加其他单点野食SHARE。荞麦面套餐包括左6款寿司同一碗荞麦面，寿司款款都好食同新鲜，荞麦面质好弹牙，系我中意既口感，有时天气太热无胃口，呢个清凉既套餐岩岩好，好开胃。我地仲单点左，芝士年糕, 芝麻鸡翼, 鸡软骨串烧, 鸡腿肉串烧同忘不了你卷物。值得一礸既系芝麻鸡翼好好食，入晒味，外脆内软。忘不了你内包有芒果,炸猪扒同芝士，上面加上好多既沙律酱，中意食沙律酱既唔好错过，真系好食到一口接一口。