影片
更多
2022-11-04
800 浏览
📌 二锅头 (嘉芙中心) - 尖沙咀漆咸道南53-55号嘉芙中心1楼🗓(4/11) 星期五 ⏰ 晚上6:30左右 💈特式：最近天气开始转冻，香港人就最钟意系呢段时间食羊腩煲进补，出面求其食个羊腩煲都$2~300蚊，今次就推介大家食呢间二锅头，佢平时出名食鸡煲/鸳鸯鸭煲/猪手煲，最近竟然可以加$68食埋羊腩煲任食，咁点都要嚟同大家试一试佢。🥩🍔🌭🌮🥗🥯🥘🍲🍝🍣🥟🍤🍱食物：佢有两间分店，分别系旺角同尖沙咀，我今次就去尖沙咀呢间，因为我主力都系食煲，所以就拣佢最平个set，$218就可以任食鸡煲/鸳鸯鸭煲/猪手煲同其他火锅配料，另外加$68就可以任食埋羊腩煲，等我同大家讲下d煲味道先。🐐🐑羊腩煲 - 虽然佢系任食，但质素一d都唔比出面食到嘅差，问过店员系用黑草羊，羊味十足，配料亦都好足料，有马蹄/支竹/冬菇/冬笋，羊肉处理亦唔错，大部分都系连皮带骨嘅腩位，肉质炆得够淋又软滑，仲够晒入味。🦆鸳鸯鸭煲 - 鸳鸯鸭煲佢地标榜系火焰鸭煲，即系会落白酒去做一个火焰嘅效果，先有视觉嘅享受，之后会闻到阵阵酒香，鸭肉佢用左两只鸭，腊鸭同普通鸭做煲，腊鸭就不是太吸引，普通鸭都ok，而且佢有我
🗓(4/11) 星期五 ⏰ 晚上6:30左右
💈特式：最近天气开始转冻，香港人就最钟意系呢段时间食羊腩煲进补，出面求其食个羊腩煲都$2~300蚊，今次就推介大家食呢间二锅头，佢平时出名食鸡煲/鸳鸯鸭煲/猪手煲，最近竟然可以加$68食埋羊腩煲任食，咁点都要嚟同大家试一试佢。
🥩🍔🌭🌮🥗🥯🥘🍲🍝🍣🥟🍤🍱
食物：佢有两间分店，分别系旺角同尖沙咀，我今次就去尖沙咀呢间，因为我主力都系食煲，所以就拣佢最平个set，$218就可以任食鸡煲/鸳鸯鸭煲/猪手煲同其他火锅配料，另外加$68就可以任食埋羊腩煲，等我同大家讲下d煲味道先。
🐐🐑羊腩煲 - 虽然佢系任食，但质素一d都唔比出面食到嘅差，问过店员系用黑草羊，羊味十足，配料亦都好足料，有马蹄/支竹/冬菇/冬笋，羊肉处理亦唔错，大部分都系连皮带骨嘅腩位，肉质炆得够淋又软滑，仲够晒入味。
🦆鸳鸯鸭煲 - 鸳鸯鸭煲佢地标榜系火焰鸭煲，即系会落白酒去做一个火焰嘅效果，先有视觉嘅享受，之后会闻到阵阵酒香，鸭肉佢用左两只鸭，腊鸭同普通鸭做煲，腊鸭就不是太吸引，普通鸭都ok，而且佢有我最钟意食嘅鸭掌，所以又加返分。
🐷🖐🏼猪手煲 - 猪手煲好香黑椒味，d黑椒味仲要入晒落猪手度，炆得唔错，又够淋又有胶质，有Q弹嘅感觉，够晒惹味，辣得嚟系香个只辣，我觉得系咁多只煲之中最吸引。
🐔鸡煲 - 鸡煲就正正常常，唔系我食过最好食嘅鸡煲，但就一d都唔差，都好食嘅，中规中矩啦，同埋鸡煲真系成日食，所以比起其他3款煲，少左一份新鲜感。
其他火锅配料 - 食晒煲之后就转左汤底食火锅，汤底拣左冬阴功汤底，但因为我主力想同大家试晒4款煲，所以无特别叫太多配料食，只系试左牛肉/虾/羊肉/墨鱼滑/蚬/鱿鱼仔，完全都普普通通，无乜特别。
自助配料 - 自助配料仲有好多款丸类/瓜菜类/豆品类/面食/午餐肉等等，都系普通，无乜特式。
甜品 - 佢有几款雪榚/雪条任食，不过雪榚牌子系cocoberry，雪条牌子亦系唔出名，不食也罢，留返个肚食其他野好过。
☕️🍵🥤🧋🍺🍷🥃🍹🧉🍾🍶🥛
饮品 - 任饮饮品有好多唔同嘅罐装/细支装/包装嘅茶/果汁/凉茶/汽水等等，啤酒就有罐装ICE。
🍽环境：餐厅都光猛，地方干干净净，装修都新簇簇，如果坐到卡位都会几舒服，但如果坐中间方枱就会显得有d迫迫地，餐厅唔会好大油烟味，自助区/酱料区/饮品区都整整齐齐，友人就话如果有埋麻酱就最好喇。
🤵🏻🤵🏻♀️🤵🏻♂️服务：职员服务态度都几好，上菜速度都快，亦无漏单/扣单情况出现，见你食了差唔多亦会问你洗唔洗转食其他煲或转汤底打边炉。
💰💸价钱：计埋加一每人埋单大约$315，如果普通打边炉，呢个价钱就唔算抵，但如果你主力系食煲，尤其是羊腩煲就认真抵食，平时就街食1款煲都要$2~300蚊，仲未计d煲系可以任食同其他野。
🐲💬总结：我觉得以呢个价钱可以任食咁多款煲，真系好吸引，又可以食到咁多唔同种类嘅煲，虽然火锅配料系普通左d，但饮品亦正正常常，仲有甜品系差左少少，但见到店舖做推广而家星期日至四由120分钟任食升级至无限时，如果呢d时间可以推介大家嚟试下。
推荐指数：❤️❤️❤️❤️🤍
羊腩煲
23 浏览
0 赞好
0 留言
火焰鸳鸯鸭煲
19 浏览
0 赞好
0 留言
黑椒猪手煲
13 浏览
0 赞好
0 留言
冬阴功汤底
9 浏览
0 赞好
0 留言
张贴
