影片
更多
2020-11-27
167 浏览
呢排天气开始转凉, 即刻就念起热辣辣香喷喷既烤鱼, 收工立即弹闸冲去呢间出晒名既烤鱼店!🏃🏼♀️🏃🏼♀️一坐低就即刻叫咗泡椒多宝鱼($228), 其余嘢食之后至慢慢拣, 天气一开始凉, 个人就特别容易肚饿, 所以就决定叫啲饱肚啲既填饱个肚, 两个人叫咗一碟四川宽粉($28), 一碟四川土豆粉($28) 同埋一碟自家制韭菜饺($68), 另外叫咗一杯玫瑰蜂蜜($18)同埋一杯柠檬碟豆花($18)落单时店员话烤鱼会送埋3款配料, 今日送既系云耳, 金菇同埋萝卜!首先饮品率先登场, 碟豆花又真系几靓~ 另外玫瑰蜂蜜真系有玫瑰花瓣喺入面架㖞, 有啲天然玫瑰花既味道, 唔系药水味!👍坐咗一阵条烤鱼话咁快就送到, 即刻试试佢先! 估唔到条多宝鱼都几厚肉! 肉质结实, 一啲都唔削, 喺咁浓既泡椒汤底浸住依然可以食到好香既鱼味! 💯💯💯食到咁上下其他食物开始送到啦, 两碟粉绝对唔系市面其他店舖𠮶种体验版, 啜两啖就冇晒𠮶只! 份量十足! 口感好烟韧, 索晒啲汤汁! 韭菜饺烚完啲皮都唔会烂晒, 一啖咬落去成个口都充满住韭菜香! 🤩值得一提既系, 佢地加汤唔系加水, 亦唔系加上汤, 泡椒汤底就真系加番𠮶只
一坐低就即刻叫咗泡椒多宝鱼($228), 其余嘢食之后至慢慢拣, 天气一开始凉, 个人就特别容易肚饿, 所以就决定叫啲饱肚啲既填饱个肚, 两个人叫咗一碟四川宽粉($28), 一碟四川土豆粉($28) 同埋一碟自家制韭菜饺($68), 另外叫咗一杯玫瑰蜂蜜($18)同埋一杯柠檬碟豆花($18)
落单时店员话烤鱼会送埋3款配料, 今日送既系云耳, 金菇同埋萝卜!
首先饮品率先登场, 碟豆花又真系几靓~ 另外玫瑰蜂蜜真系有玫瑰花瓣喺入面架㖞, 有啲天然玫瑰花既味道, 唔系药水味!👍
坐咗一阵条烤鱼话咁快就送到, 即刻试试佢先! 估唔到条多宝鱼都几厚肉! 肉质结实, 一啲都唔削, 喺咁浓既泡椒汤底浸住依然可以食到好香既鱼味! 💯💯💯
食到咁上下其他食物开始送到啦, 两碟粉绝对唔系市面其他店舖𠮶种体验版, 啜两啖就冇晒𠮶只! 份量十足! 口感好烟韧, 索晒啲汤汁! 韭菜饺烚完啲皮都唔会烂晒, 一啖咬落去成个口都充满住韭菜香!
🤩值得一提既系, 佢地加汤唔系加水, 亦唔系加上汤, 泡椒汤底就真系加番𠮶只泡椒汤, 所以唔会越加越淡, 由头到尾都系咁浓味! 🤩到最后食埋啲索晒汤汁既金菇, 云耳同萝卜啦! 😋超正食完饱到行唔郁, 今餐真系大满足呀🥳
张贴
