八妹雞煲

营业中

休息中

天气转凉，又想打边炉，又想食辣嘢！鸡煲真系最佳嘅选择，有得食辣子鸡，食完又可以打边炉；所以就嚟咗八妹鸡煲食返个好味嘅辣子鸡煲；嚟到当然又点咗半只辣子鸡煲先啦！再加埋我最爱嘅即炸响铃，炸鱼皮和双滑即虾滑和墨鱼滑，当然仲要加个菜啦！哗刚刚嘉士伯小姐推介，咁就饮返一支嘉士伯降降火；个鸡煲热辣辣咁样由服务员拎嚟，我地急不及待咁样食啲鸡，鸡肉相当嫩滑，亦都入味，食完成身都暖晒；之后再加啲汤落去就开始打边炉，首先当然食返个响铃嚟索下啲汤先啦，跟住再食炸鱼皮，炸鱼皮就算唔浸汤都好食和脆口，食到呢度都差不多饱咗一半，咁之后再落啲虾滑和墨鱼滑，但记得千祈唔好渌咁耐，如果唔系就变得实的的，刚熟就好弹牙，味道唔错；最后加啲菜落去，滋润一下个喉咙，当然仲有饮啖啤酒降下火，就更令我哋食得开心又放心啦！