辣妹

营业中

休息中

今日突然冻咗几度，着唔够衫，好想食辣嘢暖身，就去咗公司楼下新开嘅辣妹度食。餐牌简单易明，有酸菜，水煮，上汤同蕃茄系列。仲有各式小食，包括炸物及凉伴。另外仲可以拣自选粉面。有辣有唔辣，任君选择。酸菜鱼配特色火锅粉$78 + $15 配冻桂花绿茶：火锅粉烟烟韧韧好啱我口味。酸菜惹味。鱼片爽滑新鲜，份量都唔少。炸章鱼丸（$38）：朋友钟意食香口嘢，所以叫咗呢个。真系有章鱼粒喺入边㗎。手拍青瓜拌海蜇（$36）：海蜇充满水份，好弹牙。青瓜爽脆。凉拌莴笋（$32）：佢有醋喺入边做调味，酸酸辣辣好开胃。莴笋爽口新鲜。金凤乌龙茶（$25）：乌龙茶冇涩味，解油腻感。