一豊 (已結業)

平时真系好少会入天水围，果日甘岩返完大陆系深圳湾坐巴士到天水围，见肚饿就系度揾食啦！六点零钟，见啲餐厅都开始多人，因为想食日本野，就拣左呢间啦！一豊似系新开既餐厅，好新净，装潢别致，以竹作主题，入门口位有条石仔路，座位以竹支同叶分隔，俾人舒服既感觉。估唔到系呢度会有黑松露薯条食，哈哈薯条粗薯，热辣辣，好脆口，有少少紫菜粉系上面。好中意个黑松露酱，好香，好好味，个主角好似系黑松露酱而唔系薯条甘上野寿司鳗鱼好长！烧到焦焦地，皮位有少咬口，夹埋鳗鱼汁食，正！海胆份量算多，几鲜甜。葱花吞拿鱼蓉手卷，新鲜，啖啖肉，有少少葱既香味！其他寿司仲有甜虾、、帆立贝、炙烧三文鱼同油甘鱼等，味道鲜甜。生姜黑豚肉丼珍珠米，黑豚肉同杂菌炒香，有少少汁系饭度，材料渗入左生姜既味道，捞混晒食唔错，好开胃，又唔会太济。猪软骨汤乌冬猪骨汤唔算太浓，但猪软骨入晒味，好林！乌冬好弹牙，正！食物整体上唔错，座位亦坐得舒服，价钱唔贵，可以再去！