影片
更多
2016-05-22
578 浏览
自从天盛商场装修之后都未嚟过，原来已经开咗几间新餐厅。呢晚先试试西餐。之前响葵芳都有食过茜廊 (而家已经冇咗)，当时冇乜深刻印象，但今次令我有所改观。呢晚我同奶奶两个人食，叫咗两个晚餐分享，呢个系跟餐的忌廉粟米汤，望落有啲似南瓜汤，味道中规中矩，唔算好出色。跟餐杂菜沙律都系中规中矩，但值得一赞反而系佢𠮶片香脆的蒜蓉包，唔冧但又唔会过硬，而且充满蒜香，而家讲返起都想再食。因为之前响Bricklane食过个黑松露薯条之后对呢个菜式念念不忘，所以今次试吓呢度嘅黑松露薯条啦！味道唔错！薯条够粗又唔淋，酱汁虽然唔够Bricklane出色但都合格。不过一定要趁热食。我一个人都食咗差唔多4份3呢，罪过，罪过。(P.S.呢个系散叫嘅)晚餐主菜之一系美国牛柳拼薯菜，卖相唔错，不过切开咗之后就有啲失望喇，皆因我地要求7成熟，但系切开见到仲系红彤彤的，即刻叫职员帮手换咗佢，跟住都好在厨房再煎熟多少少，然后再拼过碟牛柳俾我地，肉汁尚存，总算力挽狂栏。另一个主菜系芝士焗虎虾烤菇蒜片榄油天使面，呢个主菜最好食系个面同埋个烤菇，味道不太浓，天使面条条弹牙。咁只虾呢？佢嘅调味系好嘅，但系肉质就唔够新鲜，可惜。跟餐仲有
之前响葵芳都有食过茜廊 (而家已经冇咗)，当时冇乜深刻印象，但今次令我有所改观。
粟米忌廉汤 (跟餐)
10 浏览
0 赞好
0 留言
杂菜沙律及蒜蓉包(跟餐)
16 浏览
0 赞好
0 留言
黑松露香脆薯条
$38
17 浏览
0 赞好
0 留言
美国牛柳拼薯菜 (晚餐)
$148
16 浏览
0 赞好
0 留言
芝士焗虎虾烤菇蒜片榄油天使面(晚餐)
$108
21 浏览
0 赞好
0 留言
跟餐仲有餐饮，奶奶叫咗个咖啡话好好饮，我叫咗个冻柠茶少冰，但系嚟到都冇少到...(饮品冇相，唔好意思！)
另外顺带一提就系，呢只碗系我地要嚟分享食物，佢外表好靓，但其实暗藏污垢，呢方面要改善一下。总括嚟讲系会再嚟，起码而家想食西餐唔驶走到元朗先有得食，Yeah!
题外话/补充资料：
等位时取票系统有啲delay，按咗人数要等10秒左右先有票出，初初仲以为佢失灵添...希望迟吓有改善啦！
(以上食记乃用户个人意见 , 并不代表OpenRice之观点。)
张贴
