影片
更多
2021-05-26
913 浏览
喺天水围行过见到有间新开嘅小店装修唔错，咁啱又有位，就走入去试吓。睇完Menu选择都唔少，主打系啲乌冬，意粉，因两个人太肚饿，所以叫左唔少野！沙律，餐汤，咁因为我哋系叫咗两个主食，咁两个都跟咗餐有沙律，同个汤。沙律一个要咗麻酱，一个要咗柚子汁，唔同酱有唔同感觉，柚子汁就清清爽爽，麻酱就有日式既味道。个汤饮到有甘笋嘅味都几清甜，唔错。咖喱炸虾乌冬，个乌冬好弹牙，咖喱好有日式味道唔太辣，职员落单时都有同我哋讲话可以要辣啲，事关我唔太食得辣所以就咁就OK。咁最尾加埋乌冬一齐食真系好正。个炸虾又系即叫即炸，有三只，好大只，又系好好食！加埋咖喱又系另一种口味！蕃茄烟三文鱼菠菜扁意粉，份量好多！卖相真系好靓！啲三文鱼又大块又好味，然后个汁辣辣地，但系好香口，好惹味！落单𠮶时职员仲好窝心咁提我着咗白色衫食嘅时候小心啲，真系值得赞下！慢煮温泉蛋，秘制流心蛋，本身我系好钟意食蛋，所以都特登试吓依两个小食。个温泉蛋唔好讲笑，好滑好好味，真系肯定系慢煮过，唔系Hea我！个留心蛋切出嚟嘅时候真系不停咁流心！如果钟意食蛋，真系要叫黎试吓！明太子厚烧甜蛋烧，明太子味都几突出，加埋个甜蛋又够厚又够甜，仲好大条，真心
沙律，餐汤，咁因为我哋系叫咗两个主食，咁两个都跟咗餐有沙律，同个汤。沙律一个要咗麻酱，一个要咗柚子汁，唔同酱有唔同感觉，柚子汁就清清爽爽，麻酱就有日式既味道。个汤饮到有甘笋嘅味都几清甜，唔错。
咖喱炸虾乌冬，个乌冬好弹牙，咖喱好有日式味道唔太辣，职员落单时都有同我哋讲话可以要辣啲，事关我唔太食得辣所以就咁就OK。咁最尾加埋乌冬一齐食真系好正。个炸虾又系即叫即炸，有三只，好大只，又系好好食！加埋咖喱又系另一种口味！
蕃茄烟三文鱼菠菜扁意粉，份量好多！卖相真系好靓！啲三文鱼又大块又好味，然后个汁辣辣地，但系好香口，好惹味！落单𠮶时职员仲好窝心咁提我着咗白色衫食嘅时候小心啲，真系值得赞下！
慢煮温泉蛋，秘制流心蛋，本身我系好钟意食蛋，所以都特登试吓依两个小食。个温泉蛋唔好讲笑，好滑好好味，真系肯定系慢煮过，唔系Hea我！个留心蛋切出嚟嘅时候真系不停咁流心！如果钟意食蛋，真系要叫黎试吓！
明太子厚烧甜蛋烧，明太子味都几突出，加埋个甜蛋又够厚又够甜，仲好大条，真心值得叫！仲要系即叫即烧，抵赞。
吉列炸蚝，即叫即炸嚟到嘅时候香喷喷又大只，咬落口好热仲好脆，真系好好食！炸粉唔太厚，蚝都几大只，仲要有三只咁多，真系唔话得。
整体来讲唔错，原来佢哋有外卖，下次都可以试吓。
张贴
