影片
更多
2023-04-18
146 浏览
呢间系天水围开左三个几月嘅泰国餐厅，一入到去，就觉得好舒适，湖水绿嘅主色调，衬托出装修好淡雅嘅感觉，好有泰国小清新嘅风格。😊打开餐牌，有好多唔同嘅选择。😊有好多都想试，但因为今次得两个人，就叫左以下呢几款。👍🏻泰式蟹肉咖喱配农夫包 $168农夫包质地非常脆！🤩入边嘅咖喱，简直系多到就嚟流出来！切开𠮶阵时，见佢好似用岩浆咁流出嚟，真系睇到个人满心期待！😍 味道上，一食落去，好大浸椰奶香😊 反而咖喱味唔系出面街食到既咖喱味，佢淡淡地咁，但又食到有好多香料嘅味道，好特别！而且蟹肉超级多😍，食极都仲有！汁都好多，一定够沾哂成个包！仲有好多洋葱同其他配料！令到味道同口感都好有层次，唔系剩系得一股咖喱味同香料味😊。我地另外仲叫左薄饼配黎食，同农夫包可以交替咁样食，就唔会觉得咁闷！😊👍🏻炭烧泰式猪颈肉 $78呢个泰式猪颈肉，真系好好食！一食落口，已经食到佢嘅外皮，有层好香嘅蜜汁味！而且个猪颈肉入面，都处理得好好，好有肉味！唔会完全冇味！有啲舖头净系识得处理个面，又唔处理旧肉入边，搞到嘥咗件猪颈肉。呢间餐厅完全冇呢个问题！再加上，佢配咗个灵魂酱汁🤩酸酸甜甜咁！本身猪颈肉食多两旧，都会开始觉得有啲油腻同
打开餐牌，有好多唔同嘅选择。😊有好多都想试，但因为今次得两个人，就叫左以下呢几款。
👍🏻泰式蟹肉咖喱配农夫包 $168
农夫包质地非常脆！🤩入边嘅咖喱，简直系多到就嚟流出来！切开𠮶阵时，见佢好似用岩浆咁流出嚟，真系睇到个人满心期待！😍 味道上，一食落去，好大浸椰奶香😊 反而咖喱味唔系出面街食到既咖喱味，佢淡淡地咁，但又食到有好多香料嘅味道，好特别！而且蟹肉超级多😍，食极都仲有！汁都好多，一定够沾哂成个包！仲有好多洋葱同其他配料！令到味道同口感都好有层次，唔系剩系得一股咖喱味同香料味😊。
我地另外仲叫左薄饼配黎食，同农夫包可以交替咁样食，就唔会觉得咁闷！😊
👍🏻炭烧泰式猪颈肉 $78
呢个泰式猪颈肉，真系好好食！一食落口，已经食到佢嘅外皮，有层好香嘅蜜汁味！而且个猪颈肉入面，都处理得好好，好有肉味！唔会完全冇味！有啲舖头净系识得处理个面，又唔处理旧肉入边，搞到嘥咗件猪颈肉。呢间餐厅完全冇呢个问题！再加上，佢配咗个灵魂酱汁🤩酸酸甜甜咁！本身猪颈肉食多两旧，都会开始觉得有啲油腻同漏，但而家加咗个酸酸甜甜汁，中和返，仲好调味！我自己食完一旧又一旧😂！真系好吸引！
👍🏻金柚子沙律 $78
如果叫咗农夫包，或者咖喱类嘅嘢，我就觉得呢个金柚子沙律，系必叫！事关佢好清新，金柚子每一旧都好甜好fresh!! 打咗酸酸甜甜嘅汁，再加咗花生，椰子肉，樱花虾，成个口感好丰富，好清甜，我好喜欢😊！佢既清新仲可以中和返咖喱嘅浓味👍🏻！食完会觉得味蕾refresh 左，可以继续食多啲咁😂！❤️我自己系超推介呢个！🤩
👍🏻椰汁芒果白糯米饭 $58
上枱嘅时候，见到个糯米饭系心型，真系好惊喜😍！芒果好鲜甜，一啲都唔酸！😊糯米饭，可能因为要压成心形，所以边位略嫌有啲硬，但系中间部份其实好软熟，而且唔黐牙。😊食嘅时候加埋椰汁，令到个饭再软熟咗，口感更加好，味道又唔会好甜，刚刚好。😊再加上个饭暖笠笠，以呢款甜品作结，非常满足。
整体上，我觉得好好味，重点系价钱唔贵，而且份量好足！性价比好高！有啲item 例如咖喱软壳蟹都系$138，明炉乌头都系$178，个人觉得价钱相当合理同吸引！
侍应同埋厨房，都系正宗嘅泰国人，佢哋嘅服务好周到，嘢食味道亦都好正宗！
虽然天水围好似好远，但其实轻铁银座站一落就到😊，非常易揾！
有兴趣嘅朋友仔，系个头揾开食，不妨去试吓啊！🥰
张贴
